헬라어 문장 검색 - Πλυταρ́Συλλά19́

(플루타르코스, Sulla, chapter 19)

Ἀρχελάου δὲ τὸ δεξιὸν κέρασ εἰσ κύκλωσιν ἀνάγοντοσ, Ὁρτήσιοσ ἐφῆκε τὰσ σπείρασ δρόμῳ προσφερομένασ ὡσ ἐμβαλῶν πλαγίοισ. πυθόμενοσ δὲ ὁ Σύλλασ ἀπὸ τοῦ δεξιοῦ μήπω συμπεπτωκότοσ εἰσ μάχην ἐδίωκε βοηθῶν.

Ἀρχέλαοσ δὲ τῷ κονιορτῷ τῆσ ἐλάσεωσ ὅπερ ἦν τεκμηράμενοσ, Ὁρτήσιον μὲν εἰά χαίρειν, αὐτὸσ δὲ ἐπιστρέψασ ὡρ́μησεν ὅθεν ὁ Σύλλασ πρόσ τὸ δεξιόν, ὡσ ἔρημον ἄρχοντοσ αἱρήσων, ἅμα δὲ καὶ Μουρήνᾳ Ταξίλησ ἐπῆγε τοὺσ χαλκάσπιδασ, ὥστε τῆσ κραυγῆσ διχόθεν φερομένησ καὶ τῶν ὀρῶν ἀνταποδιδόντων τὴν περιήχησιν, ἐπιστήσαντα τὸν Σύλλαν διαπορεῖν ὁποτέρωσε χρὴ προσγενέσθαι. δόξαν δὲ τὴν ἑαυτοῦ τάξιν ἀναλαμβάνειν, Μουρήνᾳ μὲν ἀρωγὸν ἔπεμψεν Ὁρτήσιον ἔχοντα τέσσαρασ σπείρασ, αὐτὸσ δὲ τὴν πέμπτην ἕπεσθαι κελεύσασ ἐπὶ τὸ δεξιὸν ἠπείγετο καὶ καθ’ ἑαυτὸ μὲν ἀξιομάχωσ ἤδη τῷ Ἀρχελάῳ συνεστηκόσ, ἐκείνου δὲ ἐπιφανέντοσ παντάπασιν ἐξεβιάσαντο, καὶ κρατήσαντεσ ἐδίωκον πρόσ τε τὸν ποταμὸν καὶ τὸ Ἀκόντιον ὄροσ προτροπάδην φεύγοντασ, οὐ μὴν ὅ γε Σύλλασ ἠμέλησε Μουρήνα κινδυνεύοντοσ, ἀλλὰ ὡρ́μησε τοῖσ ἐκεῖ βοηθεῖν ἰδὼν δὲ νικῶντασ, τότε τῆσ διώξεωσ μετεῖχε.

πολλοὶ μὲν οὖν ἐν τῷ πεδίῳ τῶν βαρβάρων ἀνῃροῦντο, πλεῖστοι δὲ τῷ χάρακι προσφερόμενοι κατεκόπησαν, ὥστε μυρίουσ διαπεσεῖν εἰσ Χαλκίδα μόνουσ ἀπὸ τοσούτων μυριάδων, ὁ δὲ Σύλλασ λέγει τέσσαρασ καὶ δέκα ἐπιζητῆσαι τῶν αὐτοῦ στρατιωτῶν, εἶτα καὶ τούτων δύο πρόσ τὴν ἑσπέραν παραγενέσθαι, διὸ καὶ τοῖσ τροπαίοισ ἐπέγραψεν Ἄρη καὶ Νίκην καὶ Ἀφροδίτην, ὡσ οὐχ ἧττον εὐτυχίᾳ κατορθώσασ ἢ δεινότητι καὶ δυνάμει τὸν πόλεμον.

ἀλλὰ τοῦτο μὲν τὸ τρόπαιον ἕστηκε τῆσ πεδιάδοσ μάχησ ᾗ πρῶτον ἐνέκλιναν οἱ περὶ Ἀρχέλαον παρὰ τὸ Μόλου ῥεῖθρον, ἕτερον δέ ἐστι τοῦ Θουρίου κατὰ κορυφὴν βεβηκὸσ ἐπὶ τῇ κυκλώσει τῶν βαρβάρων, γράμμασιν Ἑλληνικοῖσ ἐπισημαῖνον Ὁμολόϊχον καὶ Ἀναξίδαμον ἀριστεῖσ.

ταύτησ τὰ ἐπινίκια τῆσ μάχησ ἦγεν ἐν Θήβαισ, περὶ τὴν Οἰδιπόδειον κρήνην κατασκευάσασ θυμέλην.

οἱ δὲ κρίνοντεσ ἦσαν Ἕλληνεσ ἐκ τῶν ἄλλων ἀνακεκλημένοι πόλεων, ἐπεὶ πρόσ γε Θηβαίουσ ἀδιαλλάκτωσ εἶχε, καὶ τῆσ χώρασ αὐτῶν ἀποτεμόμενοσ τὴν ἡμίσειαν τῷ Πυθίῳ καὶ τῷ Ὀλυμπίῳ καθιέρωσεν, ἐκ τῶν προσόδων κελεύσασ ἀποδίδοσθαι τὰ χρήματα τοῖσ θεοῖσ ἅπερ αὐτὸσ εἰλήφει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Sulla, chapter 19

(플루타르코스, Sulla, chapter 19)

상위

목록

SEARCH

MENU NAVIGATION