호흡부호 보기
강세부호 보기
장단부호 보기
작은 Iota 보기
모든 부호 보기
τοῦ δὲ σώματοσ αὐτοῦ τὸ μὲν ἄλλο εἶδοσ ἐπὶ τῶν ἀνδριάντων φαίνεται, τὴν δὲ τῶν ὀμμάτων γλαυκότητα δεινῶσ πικρὰν καὶ ἄκρατον οὖσαν ἡ χρόα τοῦ προσώπου φοβερωτέραν ἐποίει προσιδεῖν. ἐξήνθει γὰρ τὸ ἐρύθημα τραχὺ καὶ σποράδην καταμεμιγμένον τῇ λευκότητι· πρὸσ ὃ καὶ τοὔνομα λέγουσιν αὐτῷ γενέσθαι τῆσ χρόασ ἐπίθετον, καὶ τῶν Ἀθήνησι γεφυριστῶν ἐπέσκωψέ τισ εἰσ τοῦτο ποιήσασ· συκάμινόν ἐσθ’ ὁ Σύλλασ ἀλφίτῳ πεπασμένον. τοῖσ δὲ τοιούτοισ τῶν τεκμηρίων οὐκ ἄτοπόν ἐστι χρῆσθαι περὶ ἀνδρόσ, ὃν οὕτω φιλοσκώμμονα φύσει γεγονέναι λέγουσιν, ὥστε νέον μὲν ὄντα καὶ ἄδοξον ἔτι μετὰ μίμων καὶ γελωτοποιῶν διαιτᾶσθαι καὶ συνακολασταίνειν, ἐπεὶ δὲ κύριοσ ἁπάντων κατέστη, συναγαγόντα τῶν ἀπὸ σκηνῆσ καὶ θεάτρου τοὺσ ἰταμωτάτουσ ὁσημέραι πίνειν καὶ διαπληκτίζεσθαι τοῖσ σκώμμασι, τοῦ τε γήρωσ ἀωρότερα πράττειν δοκοῦντα καὶ πρὸσ τῷ καταισχύνειν τὸ ἀξίωμα τῆσ ἀρχῆσ πολλὰ τῶν δεομένων ἐπιμελείασ προϊέμενον.
οὐ γὰρ ἦν τῷ Σύλλᾳ περὶ δεῖπνον ὄντι χρήσασθαι σπουδαῖον οὐδέν, ἀλλ’ ἐνεργὸσ ὢν καὶ σκυθρωπότεροσ παρὰ τὸν ἄλλον χρόνον, ἀθρόαν ἐλάμβανε μεταβολὴν ὁπότε πρῶτον ἑαυτὸν εἰσ συνουσίαν καταβάλοι καὶ πότον, ὥστε μιμῳδοῖσ καὶ ὀρχησταῖσ τιθασὸσ εἶναι καὶ πρὸσ πᾶσαν ἔντευξιν ὑποχείριοσ καὶ κατάντησ.
ταύτησ δὲ τῆσ ἀνέσεωσ ἐοίκε γεγονέναι νόσημα καὶ ἡ πρὸσ τοὺσ ἔρωτασ εὐχέρεια καὶ ῥύσισ αὐτοῦ τῆσ φιληδονίασ, ἧσ οὐδὲ γηράσασ ἐπαύσατο, Μητροβίου δὲ τῶν ἀπὸ σκηνῆσ τινοσ ἐρῶν διετέλεσεν ἔτι νέοσ ὤν. καὶ συνήντησεν αὐτῷ τὸ τοιοῦτον ἀρξάμενοσ γὰρ ἐρᾶν κοινῆσ μέν, εὐπόρου δὲ γυναικόσ, ὄνομα Νικοπόλεωσ, καὶ διὰ συνήθειαν καὶ χάριν, ἣν ἀφ’ ὡρ́ασ εἶχεν, εἰσ ἐρωμένου σχῆμα περιελθών, ἀπελείφθη κληρονόμοσ ὑπὸ τῆσ ἀνθρώπου τελευτώσησ. ἐκληρονόμησε δὲ καὶ τὴν μητρυιάν, ἀγαπηθεὶσ ὥσπερ υἱὸσ ὑπ’ αὐτῆσ·
καὶ μετρίωσ μὲν ἀπὸ τούτων εὐπόρησεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기