호흡부호 보기
강세부호 보기
장단부호 보기
작은 Iota 보기
모든 부호 보기
ὡσ δὲ χώρασ καλῆσ ἔδαφοσ ὁ Πλάτων ἔρημον, αὐτῷ δέ πωσ κατὰ συγγένειαν προσῆκον, ἐξεργάσασθαι καὶ διακοσμῆσαι φιλοτιμούμενοσ τὴν Ἀτλαντικὴν ὑπόθεσιν, πρόθυρα μὲν μεγάλα καὶ περιβόλουσ καὶ αὐλὰσ τῇ ἀρχῇ περιέθηκεν, οἱᾶ λόγοσ οὐδεὶσ ἄλλοσ ἔσχεν οὐδὲ μῦθοσ οὐδὲ ποίησισ, ὀψὲ δὲ ἀρξάμενοσ προκατέλυσε τοῦ ἔργου τὸν βίον, ὅσῳ μᾶλλον εὐφραίνει τὰ γεγραμμένα, τοσούτῳ μᾶλλον τοῖσ ἀπολειφθεῖσιν ἀνιάσασ. ὡσ γὰρ ἡ πόλισ τῶν Ἀθηναίων τὸ Ὀλυμπιεῖον, οὕτωσ ἡ Πλάτωνοσ σοφία τὸν Ἀτλαντικὸν ἐν πολλοῖσ καλοῖσ μόνον ἔργον ἀτελὲσ ἔσχηκεν.
ἐπεβίωσε δ’ οὖν ὁ Σόλων ἀρξαμένου τοῦ Πεισιστράτου τυραννεῖν, ὡσ μὲν Ἡρακλείδησ ὁ Ποντικὸσ ἱστορεῖ, συχνὸν χρόνον, ὡσ δὲ Φανίασ ὁ Ἐρέσιοσ, ἐλάττονα δυοῖν ἐτῶν.
ἐπὶ Κωμίου μὲν γὰρ ἤρξατο τυραννεῖν Πεισιστρατοσ, ἐφ’ Ἡγεστράτου δὲ Σόλωνά φησιν ὁ Φανίασ ἀποθανεῖν τοῦ μετὰ Κωμίαν ἄρξαντοσ. ἡ δὲ διασπορὰ κατακαυθέντοσ αὐτοῦ τῆσ τέφρασ περὶ τὴν Σαλαμινίων νῆσον ἔστι μὲν διὰ τὴν ἀτοπίαν ἀπίθανοσ παντάπασι καὶ μυθώδησ, ἀναγέγραπται δ’ ὑπό τε ἄλλων ἀνδρῶν ἀξιολόγων καὶ Ἀριστοτέλουσ τοῦ φιλοσόφου.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기