Plutarch, Σόλων, chapter 20

(플루타르코스, Σόλων, chapter 20)

τῶν δ’ ἄλλων αὐτοῦ νόμων ἴδιοσ μὲν μάλιστα καὶ παράδοξοσ ὁ κελεύων ἄτιμον εἶναι τὸν ἐν στάσει μηδετέρασ μερίδοσ γενόμενον. βούλεται δ’, ὡσ ἐοίκε, μὴ ἀπαθῶσ μηδ’ ἀναισθήτωσ ἔχειν πρὸσ τὸ κοινόν, ἐν ἀσφαλεῖ θέμενον τὰ οἰκεῖα καὶ τῷ μὴ συναλγεῖν μηδὲ συννοσεῖν τῇ πατρίδι καλλωπιζόμενον, ἀλλ’ αὐτόθεν τοῖσ τὰ βελτίω καὶ δικαιότερα πράττουσι προσθέμενον, συγκινδυνεύειν καὶ βοηθεῖν, μᾶλλον ἢ περιμένειν ἀκινδύνωσ τὰ τῶν κρατούντων. ἄτοποσ δὲ δοκεῖ καὶ γελοῖοσ ὁ τῇ ἐπικλήρῳ διδούσ, ἂν ὁ κρατῶν καὶ κύριοσ γεγονὼσ κατὰ τὸν νόμον αὐτὸσ μὴ δυνατὸσ ᾖ πλησιάζειν, ὑπὸ τῶν ἔγγιστα του ἀνδρὸσ ὀπύεσθαι.

καί τοῦτο δ’ ὀρθῶσ ἔχειν τινέσ φασι πρόσ τοὺσ μὴ δυναμένουσ συνεῖναι, χρημάτων δ’ ἕνεκα λαμβάνοντασ ἐπικλήρουσ καὶ τῷ νόμῳ καταβιαζομένουσ τὴν φύσιν. ὁρῶντεσ γὰρ ᾧ βούλεται τὴν ἐπίκληρον συνοῦσαν ἢ προήσονται τὸν γάμον ἢ μετ’ αἰσχύνησ καθέξουσι, φιλοπλουτίασ καὶ ὕβρεωσ δίκην διδόντεσ. εὖ δ’ ἔχει καὶ τὸ μὴ πᾶσιν, ἀλλὰ τῶν συγγενῶν τοῦ ἀνδρὸσ ᾧ βούλεται διαλέγεσθαι τὴν ἐπίκληρον, ὅπωσ οἰκεῖον ᾖ καὶ μετέχον τοῦ γένουσ τὸ τικτόμενον.

εἰσ τοῦτο δὲ συντελεῖ καὶ τὸ τὴν νύμφην τῷ νυμφίῳ συγκαθείργνυσθαι μήλου κυδωνίου κατατραγοῦσαν, καὶ τὸ τρὶσ ἑκάστου μηνὸσ ἐντυγχάνειν πάντωσ τῇ ἐπικλήρῳ τὸν λαβόντα. καὶ γὰρ εἰ μὴ γένοιντο παῖδεσ, ἀλλὰ τιμή τισ ἀνδρὸσ αὕτη πρὸσ σώφρονα γυναῖκα, καὶ φιλοφροσύνη πολλὰ τῶν συλλεγομένων ἑκάστοτε δυσχερῶν ἀφαιροῦσα, καὶ ταῖσ διαφοραῖσ οὐκ ἐῶσα παντάπασιν ἀποστραφῆναι. τῶν δ’ ἄλλων γάμων ἀφεῖλε τὰσ φερνάσ,ἱμάτια τρία καὶ σκεύη μικροῦ νομίσματοσ ἄξια κελεύσασ, ἕτερον δὲ μηδὲν ἐπιφέρεσθαι τὴν γαμουμένην.

οὐ γὰρ ἐβούλετο μισθοφόρον οὐδ’ ὤνιον εἶναι τὸν γάμον, ἀλλ’ ἐπὶ τεκνώσει καὶ χάριτι καὶ φιλότητι γίνεσθαι τὸν ἀνδρὸσ καὶ γυναικὸσ συνοικισμόν. ὁ μὲν γὰρ Διονύσιοσ, ἀξιούσησ τῆσ μητρὸσ αὐτοῦ δοθῆναί τινι τῶν πολιτῶν πρὸσ γάμον, ἔφη τοὺσ μὲν τῆσ πόλεωσ νόμουσ λελυκέναι τυραννῶν, τοὺσ δὲ τῆσ φύσεωσ οὐκ εἶναι δυνατὸσ βιάζεσθαι γάμουσ νυμφαγωγῶν παρ’ ἡλικίαν· ἐν δὲ ταῖσ πόλεσι τὴν ἀταξίαν ταύτην οὐ δοτέον, οὐδὲ περιοπτέον ἀώρουσ καὶ ἀχαρίτουσ ἐπιπλοκὰσ καὶ μηδὲν ἔργον γαμήλιον ἐχούσασ μηδὲ τέλοσ.

ἀλλὰ γέροντι νέαν ἀγομένῳ φαίη τισ ἂν ἐμμελὴσ ἄρχων ἢ νομοθέτησ τὸ πρὸσ τὸν Φιλοκτήτην· εὖ γοῦν ὡσ γαμεῖν ἔχεισ τάλασ, καὶ νέον ἐν δωματίῳ πλουσίασ πρεσβύτιδοσ, ὥσπερ οἱ πέρδικεσ, ἀπὸ συνουσίασ παχυνόμενον ἐξανευρὼν μετοικίσει πρὸσ παρθένον νύμφην ἀνδρὸσ δεομένην. ταῦτα μὲν οὖν περὶ τούτων.

일치하는 문장이 없습니다.

SEARCH

MENU NAVIGATION