호흡부호 보기
강세부호 보기
장단부호 보기
작은 Iota 보기
모든 부호 보기
συστησάμενοσ δὲ τὴν ἐν Ἀρείῳ πάγῳ βουλὴν ἐκ τῶν κατ’ ἐνιαυτὸν ἀρχόντων, ἧσ διὰ τὸ ἄρξαι καὶ αὐτὸσ μετεῖχεν, ἔτι δ’ ὁρῶν τὸν δῆμον οἰδοῦντα καὶ θρασυνόμενον τῇ τῶν χρεῶν ἀφέσει, δευτέραν προσκατένειμε βουλήν, ἀπὸ φυλῆσ ἑκάστησ, τεττάρων οὐσῶν, ἑκατὸν ἄνδρασ ἐπιλεξάμενοσ, οὓσ προβουλεύειν ἔταξε τοῦ δήμου καὶ μηδὲν ἐᾶν ἀπροβούλευτον εἰσ ἐκκλησίαν εἰσφέρεσθαι. τὴν δ’ ἄνω βουλὴν ἐπίσκοπον πάντων καὶ φύλακα τῶν νόμων ἐκάθισεν, οἰόμενοσ ἐπὶ δυσὶ βουλαῖσ ὥσπερ ἀγκύραισ ὁρμοῦσαν ἧττον ἐν σάλῳ τὴν πόλιν ἔσεσθαι καὶ μᾶλλον ἀτρεμοῦντα τὸν δῆμον παρέξειν.
οἱ μὲν οὖν πλεῖστοι τὴν ἐξ Ἀρείου πάγου βουλήν, ὥσπερ εἴρηται, Σόλωνα συστήσασθαί φασι· καὶ μαρτυρεῖν αὐτοῖσ δοκεῖ μάλιστα τὸ μηδαμοῦ τὸν Δράκοντα λέγειν μηδ’ ὀνομάζειν Ἀρεοπαγίτασ, ἀλλὰ τοῖσ ἐφέταισ ἀεὶ διαλέγεσθαι περὶ τῶν φονικῶν. ὁ δὲ τρισκαιδέκατοσ ἄξων τοῦ Σόλωνοσ τὸν ὄγδοον ἔχει τῶν νόμων οὕτωσ αὐτοῖσ ὀνόμασι γεγραμμένον.
"ἀτίμων ὅσοι ἄτιμοι ἦσαν πρὶν ἢ Σόλωνα ἄρξαι, ἐπιτίμουσ εἶναι πλὴν ὅσοι ἐξ Ἀρείου πάγου ἢ ὅσοι ἐκ τῶν ἐφετῶν ἢ ἐκ πρυτανείου καταδικασθέντεσ ὑπὸ τῶν βασιλέων ἐπὶ φόνῳ ἢ σφαγαῖσιν ἢ ἐπὶ τυραννίδι ἔφευγον ὅτε ὁ θεσμὸσ ἐφάνη ὅδε. ταῦτα δὴ πάλιν ὡσ πρὸ τῆσ Σόλωνοσ ἀρχῆσ καὶ νομοθεσίασ τὴν ἐξ Ἀρείου πάγου βουλὴν οὖσαν ἐνδείκνυται.
τίνεσ γὰρ ἦσαν οἱ πρὸ Σόλωνοσ ἐν Ἀρείῳ πάγῳ καταδικασθέντεσ, εἰ πρῶτοσ Σόλων ἔδωκε τῇ ἐξ Ἀρείου πάγου βουλῇ τὸ κρίνειν; εἰ μὴ νὴ Δία γέγονέ τισ ἀσάφεια τοῦ γράμματοσ ἢ ἔκλειψισ, ὥστε τοὺσ ἡλωκότασ ἐπ’ αἰτίαισ αἷσ κρίνουσι νῦν οἱ Ἀρεοπαγῖται καὶ ἐφέται καὶ πρυτάνεισ, ὅτε ὁ θεσμὸσ ἐφάνη ὅδε, μένειν ἀτίμουσ, τῶν ἄλλων ἐπιτίμων γενομένων. ταῦτα μὲν οὖν καὶ αὐτὸσ ἐπισκόπει.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기