호흡부호 보기
강세부호 보기
장단부호 보기
작은 Iota 보기
모든 부호 보기
ἐντεῦθεν ὅποι χρὴ τραπέσθαι βουλευόμενον ἐκάλουν Λυσιτανοὶ πρέσβεισ πέμψαντεσ ἐφ’ ἡγεμονίᾳ, πάντωσ μὲν ἄρχοντοσ ἀξίωμα μέγα καὶ ἐμπειρίαν ἔχοντοσ δεόμενοι πρὸσ τὸν ἀπὸ Ῥωμαίων φόβον, ἐκείνῳ δὲ πιστεύοντεσ αὑτοὺσ μόνῳ πυνθανόμενοι παρὰ τῶν συγγεγονότων τὸ ἦθοσ αὐτοῦ· λέγεται δὲ ὁ Σερτώριοσ οὔτε ὑφ’ ἡδονῆσ οὔτε ὑπὸ δέουσ εὐάλωτοσ γενέσθαι, φύσει δὲ ἀνέκπληκτοσ ὢν παρὰ τὰ δεινά καὶ μέτριοσ εὐτυχίαν ἐνεγκεῖν·
καὶ πρὸσ μὲν εὐθυμαχίαν οὐδενὸσ ἀτολμότεροσ τῶν καθ’ ἑαυτὸν ἡγεμόνων, ὅσα δὲ κλωπείασ ἐν πολέμοισ ἔργα καὶ πλεονεξίασ περὶ τόπουσ ἐχυροὺσ καὶ διαβάσεισ τάχουσ δεομένασ ἀπάτησ τε καὶ ψευδῶν ἐν δέοντι, σοφιστὴσ δεινότατοσ. ἐν δὲ ταῖσ τιμαῖσ τῶν ἀνδραγαθημάτων δαψιλὴσ φαινόμενοσ, περὶ τὰσ τιμωρίασ ἐμετρίαζε τῶν ἁμαρτημάτων, καίτοι δοκεῖ περὶ τὸν ἔσχατον αὐτοῦ βίον ὠμότητοσ καὶ βαρυθυμίασ τὸ περὶ τοὺσ ὁμήρουσ πραχθὲν ἔργον ἐπιδεῖξαι τὴν φύσιν οὐκ οὖσαν ἥμερον, ἀλλ’ ἐπαμπεχομένην λογισμῷ διὰ τὴν ἀνάγκην, ἐμοὶ δὲ ἀρετὴν μὲν εἰλικρινῆ καὶ κατὰ λόγον συνεστῶσαν οὐκ ἄν ποτε δοκεῖ τύχη τισ ἐκστῆσαι πρὸσ τοὐναντίον, ἄλλωσ δὲ προαιρέσεισ καὶ φύσεισ χρηστὰσ ὑπὸ συμφορῶν μεγάλων παρ’ ἀξίαν κακωθείσασ οὐκ ἀδύνατον τῷ δαίμονι συμμεταβαλεῖν τὸ ἦθοσ.
ὃ καὶ Σερτώριον οἶμαι παθεῖν ἤδη τῆσ τύχησ αὐτὸν ἐπιλειπούσησ, ἐκτραχυνόμενον ὑπὸ τῶν πραγμάτων γινομένων πονηρῶν πρὸσ τοὺσ ἀδικοῦντασ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기