헬라어 문장 검색 - Πλυταρ́Θυαεστι

(플루타르코스, Quaestiones Convivales, book 2, Διὰ τί τῶν ἀθλημάτων Ὅμηροσ πρῶτον ἀεὶ τάττει τὴν πυγμὴν εἶτα τὴν πάλην καὶ τελευταῖον τὸν δρόμον.)

"ποῖον οὖν φαίη τισ ἂν τῶν ἀγωνισμάτων γεγονέναι πρῶτον ἢ τὸ στάδιον, ὥσπερ Ὀλυμπίασιν ἐνταῦθα δὲ παρ’ ἡμῖν καθ’ ἕκαστον ἄθλημα τοὺσ ἀγωνιζομένουσ εἰσάγουσιν ἐπὶ παισὶ παλαισταῖσ ἄνδρασ παλαιστὰσ καὶ πύκτασ ἐπὶ πύκταισ ὁμοίωσ καὶ παγκρατιαστάσ· "ἐκεῖ δ’, ὅταν οἱ παῖδεσ διαγωνίσωνται, τότε τοὺσ ἄνδρασ καλοῦσι. "τὴν κατὰ χρόνον τάξιν Ὅμηροσ ἀποδείκνυσι·

"ὅσα λανθάνει ἡμᾶσ· "εἰ δέ τινα τῶν ἐπῶν ἐστί σοι πρόχειρα, μὴ φθονήσῃσ ἀναμνῆσαι. "αἱ Πατρόκλου ταφαὶ ταύτην ἔχουσι τῶν ἀγωνισμάτων τὴν τάξιν, ἅπασιν ὡσ ἔποσ εἰπεῖν ἔναυλόν ἐστι. "διατηρῶν δὲ τὴν τάξιν ὁμαλῶσ ὁ ποιητὴσ τὸν μὲν Ἀχιλλέα λέγοντα τῷ Νέστορι πεποίηκε δίδωμι δέ σοι τόδ’ ἀέθλον αὔτωσ· "οὐ γὰρ πύξ γε μαχήσεαι οὐδὲ παλαίσεισ, οὐδὲ τ’ ἀκοντιστὺν ἐνδύσεαι οὐδὲ πόδεσσι θεύσεαι· "τὸν δὲ πρεσβύτην ἐν τῷ ἀποκρίνεσθαι παραδολεσχοῦντα γεροντικῶσ, ὅτι πὺξ μὲν ἐνίκησα Κλυτομήδεα, Οἴνοποσ υἱόν, Ἀγκαῖον δὲ πάλῃ Πλευρώνιον, Ἴφικλον δὲ πόδεσσι παρέδραμον· "αὖθισ δὲ τὸν μὲν Ὀδυσσέα τοὺσ Φαίακασ προκαλούμενον ἢ πύξ ἠὲ πάλῃ ἢ καὶ ποσίν, τὸν δ’ Ἀλκίνουν ὑποτιμώμενον οὐ γὰρ πυγμάχοι εἰμὲν ἀμύμονεσ οὐδὲ παλαισταί, ἀλλὰ ποσὶ κραιπνοῖσ θέομεν· "ὡσ οὐ κατὰ τύχην ἐκ τοῦ παρισταμένου τῇ τάξει χρώμενοσ ἄλλοτ’ ἄλλωσ, ἀλλὰ τοῖσ εἰθισμένοισ τότε καὶ δρωμένοισ κατὰ νόμον ἐπακολουθῶν ἐδρᾶτο δ’ οὕτωσ, τὴν παλαιὰν ἔτι τάξιν αὐτῶν διαφυλαττόντων. παυσαμένου δὲ τἀδελφοῦ, τἄλλα μὲν ἔφην ἀληθῶσ λέγεσθαι, τὴν δ’ αἰτίαν τῆσ τάξεωσ οὐκ ἐπενόουν.

ἐδόκει δὲ καὶ τῶν ἄλλων τισὶ μὴ πιθανὸν εἶναι γεγονέναι τὸ πυκτεύειν καὶ παλαίειν πρότερον ἐν ἀγῶνι καὶ ἁμίλλῃ τοῦ τροχάζειν, καὶ παρεκάλουν ἐξάγειν εἰσ τὸ ἀνώτερον.

ἔφην δ’ ἐκ τοῦ παραστάντοσ, ὅτι ταῦτά μοι πάντα μιμήματα δοκεῖ καὶ γυμνάσματα τῶν πολεμικῶν εἶναι·

μέροσ διελεῖν καὶ καταβαλεῖν, τοιαύτην ἔχει διάνοιαν, ὡσ οὐ μέγα πόλει τειχῶν ὄφελοσ ἄνδρασ ἐχούσῃ μάχεσθαι δυναμένουσ καὶ νικᾶν.

ἐξαίρετοσ ἦν ἐν ταῖσ παρατάξεσι χώρα, περὶ αὐτὸν τὸν βασιλέα τεταγμένουσ μάχεσθαι·

καὶ τῶν ζῴων μόνῳ τῷ ἵππῳ μετουσία στεφάνου καὶ ἀγῶνοσ ἔστιν, ὅτι μόνοσ καὶ πέφυκε καὶ ἤσκηται μαχομένοισ παρεῖναι καὶ συμπολεμεῖν.

"ὅτι τῶν μαχομένων πρῶτον ἔργον ἐστὶ τὸ πατάξαι καὶ φυλάξασθαι, δεύτερον δὲ συμπεσόντασ ἤδη καὶ γενομένουσ ἐν χερσὶν ὠθισμοῖσ τε χρῆσθαι καὶ περιτροπαῖσ ἀλλήλων, ᾧ δὴ μάλιστά φασιν ἐν Λεύκτροισ τοὺσ Σπαρτιάτασ ὑπὸ τῶν ἡμετέρων, παλαιστρικῶν ὄντων, καταβιασθῆναι· "διὸ καὶ παρ’ Αἰσχύλῳ τισ τῶν πολεμικῶν ὀνομάζεται βριθύσ, ὁπλιτοπάλασ καὶ Σοφοκλῆσ εἴρηκέ που περὶ τῶν Τρώων ὡσ φίλιπποι καὶ κερουλκοί, σὺν σάκει δὲ κωδωνοκρότῳ παλαισταί· "καὶ μὴν ἐπὶ πᾶσί γε τὸ τρίτον ἐστὶ νικωμένουσ φεύγειν ἢ διώκειν νικῶντασ. "εἰκότωσ οὖν ἡ πυγμὴ προῆγε, δευτέραν δ’ εἶχεν ἡ πάλη τάξιν, καὶ τελευταίαν ὁ δρόμοσ· "ὅτι πυγμὴ μέν ἐστι μίμημα πληγῆσ καὶ φυλακῆσ, πάλη δὲ συμπλοκῆσ καὶ ὠθισμοῦ, δρόμῳ δὲ μελετῶσι φεύγειν καὶ διώκειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Quaestiones Convivales, book 2, Διὰ τί τῶν ἀθλημάτων Ὅμηροσ πρῶτον ἀεὶ τάττει τὴν πυγμὴν εἶτα τὴν πάλην καὶ τελευταῖον τὸν δρόμον.

(플루타르코스, Quaestiones Convivales, book 2, Διὰ τί τῶν ἀθλημάτων Ὅμηροσ πρῶτον ἀεὶ τάττει τὴν πυγμὴν εἶτα τὴν πάλην καὶ τελευταῖον τὸν δρόμον.)

상위

목록

SEARCH

MENU NAVIGATION