호흡부호 보기
강세부호 보기
장단부호 보기
작은 Iota 보기
모든 부호 보기
εὐήνοσ Ἄρεοσ καὶ Στερόπησ τὴν Οἰνομάου γήμασ Ἀλκίππην ἐγέννησε θυγατέρα Μάρπησσαν, ἣν παρθένον ἐφρούρει. καὶ Ἴδασ ὁ Ἀφαρέωσ ἀρπάσασ ἐκ χοροῦ ἔφυγεν. ὁ δὲ πατὴρ διώξασ καὶ μὴ συλλαβὼν εἰσ τὸν Λυκόρμαν ἔρριψεν ἑαυτὸν ποταμὸν καὶ ἀθάνατοσ ἐγένετο ὡσ Δοσίθεοσ ἐν πρώτῳ Αἰτωλικῶν. Ἄννιοσ δὲ Τούσκων βασιλεὺσ ἔχων θυγατέρα εὔμορφον τοὔνομα Σαλίαν, παρθένον ἐτήρει. Κάθητοσ δ’ ἐκ τῶν ἐπισήμων ἰδὼν τὴν παρθένον παίζουσαν ἠράσθη, καὶ μὴ στέγων τὸν ἔρωτα ἡρ́πασε καὶ ἦγεν εἰσ Ῥώμην. ὁ δὲ πατὴρ ἐπιδιώξασ καὶ μὴ συλλαβὼν ἥλατο εἰσ τὸν Παρεούσιον ποταμόν, ὃσ Ἀνίων μετωνομάσθη· τῇ δὲ Σαλίᾳ συγγενόμενοσ Κάθητοσ ἐποιήσατο Λατῖνον καὶ Σάλιον, ἀφ’ ὧν οἱ εὐγενέστατοι κατῆγον τὸ γένοσ· ὡσ Ἀριστείδησ Μιλήσιοσ καὶ Ἀλέξανδροσ ὁ Πολυΐστωρ ἐν τρίτῳ Ἰταλικῶν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기