헬라어 문장 검색 - Πλυταρ́Νυμά19́

(플루타르코스, Numa, chapter 19)

Ῥωμαῖοι δὲ ὅτι μὲν δέκα μῆνασ εἰσ τὸν ἐνιαυτὸν ἔταττον, οὐ δώδεκα, τεκμήριον ἡ τοῦ τελευταίου προσηγορία· δέκατον γάρ αὐτὸν ἄχρι νῦν καλοῦσιν ὅτι δὲ τὸν Μάρτιον πρῶτον, ἡ τάξισ· τὸν γάρ ἀπ’ ἐκείνου πέμπτον ἐκάλουν πέμπτον ἕκτον δὲ τὸν ἕκτον καὶ τῶν ἄλλων ἑξῆσ ὁμοίωσ ἕκαστον, ἐπεὶ τὸν Ιἀνουάριον καὶ τὸν Φεβρουάριον πρὸ τοῦ Μαρτίου τιθεμένοισ συνέβαινεν αὐτοῖσ τὸν εἰρημένον μῆνα πέμπτον μὲν ὀνομάζειν, ἕβδομον δὲ ἀριθμεῖν. ἄλλωσ δὲ καὶ λόγον εἶχε τὸν Μάρτιον Ἄρει καθιερωμένον ὑπὸ τοῦ Ῥωμύλου πρῶτον ὀνομάζεσθαι·

δεύτερον δὲ τὸν Ἀπρίλλιον, ἐπώνυμον ὄντα τῆσ Ἀφροδίτησ, ἐν ᾧ θύουσί τε τῇ θεῷ καὶ ταῖσ καλάνδαισ αἱ γυναῖκεσ ἐστεφανωμέναι μυρσίνῃ λούονται, τινὲσ δὲ οὐ διὰ τὴν Ἀφροδίτην τὸν Ἀπρίλλιὸν φασιν, ἀλλ’ ὥσπερ ἔχει τοὔνομα ψιλόν, Ἀπρίλλιον κεκλῆσθαι τὸν μῆνα τῆσ ἐαρινῆσ ὡρ́ασ ἀκμαζούσησ ἀνοίγοντα καὶ ἀνακαλύπτοντα τοὺσ βλαστοὺσ τῶν φυτῶν τοῦτο γὰρ ἡ γλῶττα σημαίνει. τῶν δ̓ ἐφεξῆσ τὸν μὲν Μάϊον καλοῦσιν ἀπὸ Μαίασ·

Ἑρμῇ γὰρ ἀνιέρωται τὸν δὲ Ιοὔνιον ἀπὸ τῆσ Ἥρασ. εἰσὶ δέ τινεσ οἱ τούτουσ ἡλικίασ ἐπωνύμουσ εἶναι λέγοντεσ πρεσβυτέρασ καὶ νεωτέρασ· μαϊώρεισ γὰρ οἱ πρεσβύτεροι παρ’ αὐτοῖσ, ἰουνιώρεισ δὲ οἱ νεώτεροι καλοῦνται, τῶν δὲ λοιπῶν ἕκαστον ἀπὸ τῆσ τάξεωσ, ὥσπερ ἀριθμοῦντεσ, ὠνόμαζον πέμπτον, ἕκτον, ἕβδομον, ὄγδοον, ἔνατον, δέκατον εἶτα ὁ πέμπτοσ ἀπὸ Καίσαροσ τοῦ καταγωνισαμένου Πομπήϊον Ιοὔλιοσ· ὁ δὲ ἕκτοσ Αὔγουστοσ ἀπὸ τοῦ δευτέρου μὲν ἄρξαντοσ, Σεβαστοῦ δὲ ἐπικληθέντοσ, ὠνομάσθη.

τοὺσ δὲ ἐφεξῆσ Δομετιανὸσ εἰσεποίησε ταῖσ αὑτοῦ προσωνυμίαισ οὐ πολὺν χρόνον, ἀλλὰ τὰσ αὑτῶν ἀναλαβόντεσ πάλιν ἐκείνου σφαγέντοσ ὁ μὲν ἕβδομοσ, ὁ δὲ ὄγδοοσ καλοῦνται, μόνοι δ̓ οἱ τελευταῖοι δύο τὴν ἀπὸ τῆσ τάξεωσ κλῆσιν, ὥσπερ ἔσχον ἐξ ἀρχῆσ, διεφύλαξαν. τῶν δὲ ὑπὸ Νομᾶ προστεθέντων ἢ μετατεθέντων ὁ μὲν Φεβρουάριοσ οἱο͂ν καθάρσιοσ ἄν τισ εἰή·

καὶ γάρ ἡ λέξισ ἔγγιστα τοῦτο σημαίνει, καὶ τοῖσ φθιτοῖσ ἐναγίζουσι τότε καὶ τὴν τῶν Λουπερκαλίων ἑορτὴν εἰσ τὰ πολλὰ καθαρμῷ προσεοικυῖαν τελοῦσιν ὁ δὲ πρῶτοσ Ιἀνουάριοσ ἀπὸ τοῦ Ιἀνοῦ, δοκεῖ δέ μοι τὸν Μάρτιον ὁ Νομᾶσ ἐπώνυμον ὄντα τοῦ Ἄρεωσ ἐκ τῆσ προεδρίασ μεταστῆσαι, βουλόμενοσ ἐν παντὶ τῆσ πολεμικῆσ δυνάμεωσ προτιμᾶσθαι τὴν πολιτικήν. ὁ γὰρ Ιἀνὸσ ἐν τοῖσ πάνυ παλαιοῖσ εἴτε δαίμων εἴτε βασιλεὺσ γενόμενοσ πολιτικὸσ καὶ κοινωνικὸσ ἐκ τοῦ θηριώδουσ καὶ ἀγρίου λέγεται μεταβαλεῖν τὴν δίαιταν.

καὶ διὰ τοῦτο πλάττουσιν αὐτὸν ἀμφιπρόσωπον, ὡσ ἑτέραν ἐξ ἑτέρασ τῷ βίῳ περιποιήσαντα τὴν μορφὴν καὶ διάθεσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Numa, chapter 19

(플루타르코스, Numa, chapter 19)

상위

목록

SEARCH

MENU NAVIGATION