Plutarch, Numa, chapter 5

(플루타르코스, Numa, chapter 5)

ἀλλὰ γὰρ ἔτοσ ἤδη διατελοῦντι τῷ Νομᾷ τεσσαρακοστὸν ἧκον ἀπὸ Ῥώμησ οἱ πρέσβεισ παρακαλοῦντεσ ἐπὶ τὴν βασιλείαν. τοὺσ δὲ λόγουσ ἐποιήσατο Πρόκλοσ καὶ Οὐέλεσοσ, ὧν πρότερον ἐπίδοξοσ ἦν ὁ δῆμοσ αἱρήσεσθαι τὸν ἕτερον βασιλέα, Πρόκλῳ μὲν τῶν Ῥωμύλου λαῶν, Οὐελέσῳ δὲ τῶν Τατίου μάλιστα προσεχόντων. οὗτοι μὲν οὖν βραχέα διελέχθησαν, οἰόμενοι τῷ Νομᾷ τὴν συντυχίαν ἀσπαζομένῳ γεγονέναι· ἦν δ̓ οὐ μικρόν, ὡσ ἐοίκεν, ἔργον, ἀλλὰ καὶ λόγων πολλῶν καὶ δεήσεωσ τὸ πεῖσαι καὶ μεταστῆσαι γνώμην ἀνδρὸσ ἐν ἡσυχία καὶ εἰρήνῃ βεβιωκότοσ εἰσ ἀρχὴν πόλεωσ τρόπον τινὰ καὶ γεγενημένησ πολέμῳ καὶ συνηυξημένησ.

"πᾶσα μὲν ἀνθρωπίνου βίου μεταβολὴ σφαλερὸν ᾧ δὲ μήτ’ ἄπεστί τι τῶν ἱκανῶν μήτε μεμπτόν ἐστι τῶν παρόντων, τοῦτον οὐδὲν ἄλλο πλὴν ἄνοια μετακοσμεῖ καὶ μεθίστησιν ἐκ τῶν συνήθων οἷσ κἂν εἰ μηδὲν ἕτερον προσείη, τῷ βεβαιοτέρῳ διαφέρει τῶν ἀδήλων, ἀλλ’ οὐδὲ ἄδηλα τὰ τῆσ βασιλείασ τοῖσ Ῥωμύλου τεκμαιρομένῳ παθήμασιν, ὡσ πονηρὰν μὲν αὐτὸσ ἔλαβε δόξαν ἐπιβουλεῦσαι τῷ συνάρχοντι Τατίῳ, πονηρὰν δὲ τοῖσ ὁμοτίμοισ περιεποίησεν ὡσ ἀνῃρημένοσ ὑπ’ αὐτῶν, καίτοι Ῥωμύλον μὲν οὗτοι παῖδα θεῶν ὑμνοῦσι φήμαισ, καὶ τροφήν τινα δαιμόνιον αὐτοῦ καὶ σωτηρίαν ἄπιστον ἔτι νηπίου λέγουσιν ἐμοὶ δὲ καὶ γένοσ θνητόν ἐστι καὶ τροφὴ καὶ παίδευσισ ὑπ’ ἀνθρώπων ὧν οὐκ ἀγνοεῖτε γεγενημένη· "τὰ δ̓ ἐπαινούμενα τοῦ τρόπου βασιλεύειν πόρρω μέλλοντοσ ἀνδρόσ, ἡσυχία τε πολλὴ καὶ διατριβὴ περὶ λόγουσ ἀπράγμονασ, ὅ τε δεινὸσ οὗτοσ καὶ σύντροφοσ εἰρήνησ ἔρωσ καὶ πραγμάτων ἀπολέμων καὶ ἀνθρώπων ἐπὶ τιμῇ θεῶν καὶ φιλοφροσύναισ εἰσ τὸ αὐτὸ συνιόντων, τὰ δὲ ἄλλα καθ’ ἑαυτοὺσ γεωργούντων ἢ νεμόντων. "ὑμῖν δέ, ὦ Ῥωμαῖοι, πολλοὺσ μὲν ἴσωσ ἀβουλήτουσ ἀπολέλοιπε πολέμουσ Ῥωμύλοσ, οἷσ ἀντερείδοντοσ ἡ πόλισ ἐμπείρου δεῖται βασιλέωσ καὶ ἀκμάζοντοσ· "πολλὴ δὲ καὶ συνήθεια καὶ προθυμία δι’ εὐτυχίαν γέγονε τῷ δήμῳ, καὶ οὐδένα λέληθεν αὔξεσθαι καὶ κρατεῖν ἑτέρων βουλόμενοσ, ὥστε καὶ γέλωσ ἂν εἰή τἀμά, θεραπεύοντοσ θεούσ, καὶ δίκην τιμᾶν, βίαν δὲ καὶ πόλεμον ἐχθαίρειν διδάσκοντοσ πόλιν στρατηλάτου μᾶλλον ἢ βασιλέωσ δεομένην.

일치하는 문장이 없습니다.

SEARCH

MENU NAVIGATION