헬라어 문장 검색 - Πλυταρ́Λψξυργύ17́

(플루타르코스, Lycurgus, chapter 17)

ἤδη δὲ τοῖσ τηλικούτοισ ἐρασταὶ τῶν εὐδοκίμων νέων συνανεστρέφοντο· καὶ προσεῖχον οἱ πρεσβύτεροι, καὶ μᾶλλον ἐπιφοιτῶντεσ εἰσ τὰ γυμνάσια, καὶ μαχομένοισ καὶ σκώπτουσιν ἀλλήλουσ παρατυγχάνοντεσ, οὐ παρέργωσ, ἀλλὰ τρόπον τινὰ πάντεσ οἰόμενοι πάντων καὶ πατέρεσ εἶναι καὶ παιδαγωγοὶ καὶ ἄρχοντεσ, ὥστε μήτε καιρὸν ἀπολείπεσθαι μήτε χωρίον ἔρημον τοῦ νουθετοῦντοσ τὸν ἁμαρτάνοντα καὶ κολάζοντοσ. οὐ μὴν ἀλλὰ καὶ παιδονόμοσ ἐκ τῶν καλῶν καὶ ἀγαθῶν ἀνδρῶν ἐτάττετο, καὶ κατ’ ἀγέλασ αὐτοὶ προΐσταντο τῶν λεγομένων εἰρένων ἀεὶ τὸν σωφρονέστατον καὶ μαχιμώτατον.

εἴρενασ δὲ καλοῦσι τοὺσ ἔτοσ ἤδη δεύτερον ἐκ παίδων γεγονότασ, μελλείρενασ δὲ τῶν παίδων τοὺσ πρεσβυτάτουσ. οὗτοσ οὖν ὁ εἴρην, εἴκοσι ἔτη γεγονώσ, ἄρχει τε τῶν ὑποτεταγμένων ἐν ταῖσ μάχαισ, καὶ κατ’ οἶκον ὑπηρέταισ χρῆται πρὸσ τὸ δεῖπνον. ἐπιτάσσει δὲ τοῖσ μὲν ἁδροῖσ ξύλα φέρειν, τοῖσ δὲ μικροτέροισ λάχανα, καὶ φέρουσι κλέπτοντεσ, οἱ μὲν ἐπὶ τοὺσ κήπουσ βαδίζοντεσ, οἱ δὲ εἰσ τὰ τῶν ἀνδρῶν συσσίτια παρεισρέοντεσ εὖ μάλα πανούργωσ καὶ πεφυλαγμένωσ·

ἂν δ̓ ἁλῷ, πολλὰσ λαμβάνει πληγὰσ τῇ μάστιγι, ῥᾳθύμωσ δοκῶν κλέπτειν καὶ ἀτέχνωσ. κλέπτουσι δὲ καὶ τῶν σιτίων ὅ τι ἂν δύνωνται, μανθάνοντεσ εὐφυῶσ ἐπιτίθεσθαι τοῖσ καθεύδουσιν ἢ ῥᾳθύμωσ φυλάττουσι. τῷ δὲ ἁλόντι ζημία πληγαὶ καὶ τὸ πεινῆν.

γλίσχρον γὰρ αὐτοῖσ ἐστι δεῖπνον, ὅπωσ δι’ αὑτῶν ἀμυνόμενοι τὴν ἔνδειαν ἀναγκάζωνται τολμᾶν καὶ πανουργεῖν. καὶ τοῦτο μὲν ἔργον τῆσ ὀλιγοσιτίασ· παρέργον δέ φασι τὴν τῶν σωμάτων αὔξησιν. φέρεται, γάρ εἰσ μῆκοσ, ὅταν τὸ πνεῦμα μὴ πολλὴν σχῇ διατριβὴν καὶ ἀσχολίαν ὑπὸ πλήθουσ τροφῆσ εἰσ βάθοσ καὶ πλάτοσ πιεζόμενον, ἀλλ’ ἄνω βαδίζῃ διὰ κουφότητα, τοῦ σώματοσ ἐκλύτωσ καὶ ῥᾳδίωσ ἐπιδιδόντοσ. τὸ δ̓ αὐτὸ τοῦτο καὶ καλοὺσ δοκεῖ ποιεῖν αἱ γὰρ ἰσχναὶ καὶ διάκενοι μᾶλλον ἕξεισ ὑπακούουσι πρὸσ τὴν διάρθρωσιν, αἱ δὲ ὀγκώδεισ καὶ πολύτροφοι διὰ βάροσ ἀντιβαίνουσιν, ὥσπερ ἀμέλει καὶ τῶν ἐν τῷ κύειν καθαιρομένων γυναικῶν ἰσχνὰ μὲν, εὐειδῆ δὲ καὶ γλαφυρὰ γίνεται τὰ βρέφη, διὰ τὴν ἐλαφρότητα τῆσ ὕλησ κρατουμένησ μᾶλλον ὑπὸ τοῦ τυποῦντοσ, ἀλλὰ γὰρ ἡ μὲν αἰτία τοῦ συμβαίνοντοσ ἐν μέσῳ προκείσθω σκοπεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Lycurgus, chapter 17

(플루타르코스, Lycurgus, chapter 17)

상위

목록

SEARCH

MENU NAVIGATION