헬라어 문장 검색 - Πλυταρ́Λψξυργύ14́

(플루타르코스, Lycurgus, chapter 14)

τῆσ δὲ παιδείασ, ἣν μέγιστον ἡγεῖτο τοῦ νομοθέτου καὶ κάλλιστον ἔργον εἶναι, πόρρωθεν ἀρχόμενοσ εὐθὺσ ἐπεσκόπει τὰ περὶ τοὺσ γάμουσ καὶ τὰσ γενέσεισ, οὐ γάρ, ὡσ Ἀριστοτέλησ φησίν, ἐπιχειρήσασ σωφρονίζειν τὰσ γυναῖκασ, ἐπαύσατο μὴ κρατῶν τῆσ πολλῆσ ἀνέσεωσ καὶ γυναικοκρατίασ διὰ τὰσ πολλὰσ στρατείασ τῶν ἀνδρῶν, ἐν αἷσ ἠναγκάζοντο κυρίασ ἀπολείπειν ἐκείνασ, καὶ διὰ τοῦτο μᾶλλον τοῦ προσήκοντοσ αὐτὰσ ἐθεράπευον καὶ δεσποίνασ προσηγόρευον ἀλλὰ καὶ τούτων τὴν ἐνδεχομένην ἐπιμέλειαν ἐποιήσατο. τὰ μέν γε σώματα τῶν παρθένων δρόμοισ καὶ πάλαισ καὶ βολαῖσ δίσκων καὶ ἀκοντίων διεπόνησεν, ὡσ ἥ τε τῶν γεννωμένων ῥίζωσισ ἰσχυρὰν ἐν ἰσχυροῖσ σώμασιν ἀρχὴν λαβοῦσα βλαστάνοι βέλτιον, αὐταί τε μετὰ ῥώμησ τοὺσ τόκουσ ὑπομένουσαι καλῶσ ἅμα καὶ ῥᾳδίωσ ἀγωνίζοιντο πρὸσ τὰσ ὠδῖνασ.

ἀφελὼν δὲ θρύψιν καὶ σκιατραφίαν καὶ θηλύτητα πᾶσαν οὐδὲν ἧττον εἴθισε τῶν κόρων τὰσ κόρασ γυμνάσ τε πομπεύειν καὶ πρὸσ ἱεροῖσ τισιν ὀρχεῖσθαι καὶ ἄδειν τῶν νέων παρόντων καὶ θεωμένων. ἔστι δὲ ὅτε καὶ σκώμματα λέγουσαι πρὸσ ἕκαστον εὐχρήστωσ ἐπελαμβάνοντο τῶν ἁμαρτανομένων καὶ πάλιν εἰσ τοὺσ ἀξίουσ αὐτῶν ἐγκώμια μετ’ ᾠδῆσ πεποιημένα διεξιοῦσαι, φιλοτιμίαν πολλὴν καὶ ζῆλον ἐνεποίουν τοῖσ νεανίσκοισ, ὁ γάρ ἐγκωμιασθεὶσ ἐπ’ ἀνδραγαθίᾳ καὶ κλεινὸσ ἐν ταῖσ παρθένοισ γεγονὼσ ἀπῄει μεγαλυνόμενοσ ὑπὸ τῶν ἐπαίνων αἱ δὲ μετὰ παιδιᾶσ καὶ σκωμμάτων δήξεισ οὐδὲν ἀμβλύτεραι τῶν μετὰ σπουδῆσ νουθετημάτων ἦσαν, ἅτε δὴ πρὸσ τὴν θέαν ὁμοῦ τοῖσ ἄλλοισ πολίταισ καὶ τῶν βασιλέων καὶ τῶν γερόντων συμπορευομένων.

ἡ δὲ γύμνωσισ τῶν παρθένων οὐδὲν αἰσχρὸν εἶχεν, αἰδοῦσ μὲν παρούσησ, ἀκρασίασ δὲ ἀπούσησ, ἀλλ’ ἐθισμὸν ἀφελῆ καὶ ζῆλον εὐεξίασ ἐνειργάζετο, καὶ φρονήματοσ τὸ θῆλυ παρέγευεν οὐκ ἀγεννοῦσ, ὡσ μηδὲν ἧττον αὐτῷ καὶ ἀρετῆσ καὶ φιλοτιμίασ μετουσίαν οὖσαν.

"τίκτομεν ἄνδρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Lycurgus, chapter 14

(플루타르코스, Lycurgus, chapter 14)

상위

목록

SEARCH

MENU NAVIGATION