헬라어 문장 검색 - Πλυταρ́Διον́37́

(플루타르코스, Dion, chapter 37)

μετὰ δὲ τὴν Φιλίστου τελευτὴν Διονύσιοσ ἔπεμπε πρὸσ Δίωνα τὴν μὲν ἀκρόπολιν ἐκείνῳ παραδιδοὺσ καὶ τὰ ὅπλα καὶ τοὺσ μισθοφόρουσ καὶ πέντε μηνῶν ἐντελῆ τούτοισ μισθόν, αὐτὸσ δὲ ἀξιῶν ὑπόσπονδοσ εἰσ Ἰταλίαν ἀπελθεῖν κἀκεῖ κατοικῶν καρποῦσθαι τῆσ Συρακουσίασ τὸν καλούμενον Γύαρτα, πολλὴν καὶ ἀγαθὴν χώραν ἀνήκουσαν ἀπὸ θαλάττησ εἰσ τὴν μεσόγειον. οὐ προσδεξαμένου δὲ τοῦ Δίωνοσ, ἀλλὰ δεῖσθαι τῶν Συρακουσίων κελεύσαντοσ, οἱ μὲν Συρακούσιοι ζῶντα λήψεσθαι τὸν Διονύσιον ἐλπίσαντεσ ἀπήλασαν τοὺσ πρέσβεισ, ἐκεῖνοσ δὲ τὴν μὲν ἄκραν Ἀπολλοκράτει, τῷ πρεσβυτέρῳ τῶν παίδων, παρέδωκεν, αὐτὸσ δὲ πνεῦμα τηρήσασ ἐπίφορον καὶ τὰ τιμιώτατα τῶν σωμάτων καὶ τῶν χρημάτων ἐνθέμενοσ εἰσ τὰσ ναῦσ λαθὼν τὸν ναύαρχον Ἡρακλείδην ἐξέπλευσεν.

ὁ δὲ κακῶσ ἀκούων καὶ θορυβούμενοσ ὑπὸ τῶν πολιτῶν Ἵππωνά τινα τῶν δημαγωγῶν καθίησι προκαλεῖσθαι τὸν δῆμον ἐπὶ γῆσ ἀναδασμόν, ὡσ ἐλευθερίασ ἀρχὴν οὖσαν τὴν ἰσότητα, δουλείασ δὲ τὴν πενίαν τοῖσ ἀκτήμοσι.

συνηγορῶν δὲ τούτῳ καὶ τὸν Δίωνα καταστασιάζων ἐναντιούμενον ἔπεισε τοὺσ Συρακουσίουσ ταῦτά ψηφίσασθαι καὶ τῶν ξένων τὸν μισθὸν ἀποστερεῖν καὶ στρατηγοὺσ ἑτέρουσ ἑλέσθαι, τῆσ ἐκείνου βαρύτητοσ ἀπαλλαγέντασ. οἱ δ’, ὥσπερ ἐκ μακρᾶσ ἀρρωστίασ τῆσ τυραννίδοσ εὐθὺσ ἐπιχειροῦντεσ ἐξανίστασθαι, καὶ πράττειν τὰ τῶν αὐτονομουμένων παρὰ καιρόν, ἐσφάλλοντο μὲν αὐτοὶ ταῖσ πράξεσιν, ἐμίσουν δὲ τὸν Δίωνα βουλόμενον ὥσπερ ἰατρὸν ἐν ἀκριβεῖ καὶ σωφρονούσῃ διαίτῃ κατασχεῖν τὴν πόλιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Dion, chapter 37

(플루타르코스, Dion, chapter 37)

상위

목록

SEARCH

MENU NAVIGATION