헬라어 문장 검색 - Πλυταρ́Δετρανθ́11́

(플루타르코스, De tranquilitate animi, section 11)

οὐ μὴν ἀλλ’ ἐπεὶ πρὸσ ἑτέρουσ μᾶλλον ἢ πρὸσ αὑτοὺσ ὑπ’ ἀβελτερίασ εἰθίσμεθα ζῆν, καὶ πολὺ τὸ δύσζηλον ἡ φύσισ ἔχουσα καὶ τὸ βάσκανον οὐ χαίρει τοσοῦτον τοῖσ ἰδίοισ ὅσον ἀνιᾶται τοῖσ ἀλλοτρίοισ ἀγαθοῖσ, μὴ μόνον ὁρ́α τὰ λαμπρὰ καὶ τὰ περιβόητα τῶν ζηλουμένων ὑπὸ σοῦ καὶ θαυμαζομένων, ἀλλ’ ἀνακαλύψασ καὶ διαστείλασ ὥσπερ ἀνθηρὸν παραπέτασμα τὴν δόξαν αὐτῶν καὶ τὴν ἐπιφάνειαν ἐντὸσ γενοῦ, καὶ κατόψει πολλὰ δυσχερῆ καὶ πολλὰσ ἀηδίασ ἐνούσασ αὐτοῖσ. ὁ γοῦν Πιττακὸσ ἐκεῖνοσ, οὗ μέγα μὲν ἀνδρείασ μέγα δὲ σοφίασ καὶ δικαιοσύνησ κλέοσ, εἱστία ξένουσ· "ἡμῶν κακὸν ἔστιν· οὗτοσ μακάριοσ ἐν ἀγορᾷ νομίζεται, ὅταν δ’ ἀνοίξῃ τὴν θύραν, τρισάθλιοσ· γυνὴ κρατεῖ πάντων, ἐπιτάσσει, μάχετ’ ἀεί. ἀπὸ πλειόνων ὀδυνᾶτ’, ἐγὼ δ’ ἀπ’ οὐδενόσ. τοιαῦτα πολλὰ καὶ πλούτῳ καὶ δόξῃ καὶ βασιλείᾳ πρόσεστιν ἄδηλα τοῖσ πολλοῖσ· ἐπιπροσθεῖ γὰρ ὁ τῦφοσ. ὦ μάκαρ Ἀτρείδη, μοιρηγενέσ, ὀλβιόδαιμον ἔξωθεν οὗτοσ ὁ μακαρισμόσ, ὅπλων καὶ ἵππων καὶ στρατιᾶσ περικεχυμένησ·

αἱ δὲ τῶν παθῶν φωναὶ πρὸσ τὴν κενὴν δόξαν ἔνδοθεν ἀντιμαρτυροῦσι· Ζεύσ με μέγα Κρονίδησ ἄτῃ ἐνέδησε βαρείῃ καὶ ζηλῶ σε, γέρον, ζηλῶ δ’ ἀνδρῶν ὃσ ἀκίνδυνον βίον ἐξεπέρασ’ ἀγνὼσ, ἀκλεήσ. ἔξεστιν οὖν καὶ τούτοισ τοῖσ ἐπιλογισμοῖσ ἀπαρύτειν τοῦ πρὸσ τὴν τύχην μεμψιμοίρου καὶ διὰ τὸ θαυμάζειν τὰ τῶν πλησίον ἐκταπεινοῦντοσ τὰ οἰκεῖα καὶ καταβάλλοντοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, De tranquilitate animi, section 11

(플루타르코스, De tranquilitate animi, section 11)

상위

목록

SEARCH

MENU NAVIGATION