호흡부호 보기
강세부호 보기
장단부호 보기
작은 Iota 보기
모든 부호 보기
Κυβείᾳ γὰρ ὁ Πλάτων τὸν βίον ἀπείκασεν, ἐν ᾧ καὶ βάλλειν δεῖ τὰ πρόσφορα, καὶ βαλόντα χρῆσθαι καλῶσ τοῖσ πεσοῦσι. τούτων δὲ τὸ μὲν βάλλειν οὐκ ἐφ’ ἡμῖν, τὸ δὲ προσηκόντωσ δέχεσθαι τὰ γινόμενα παρὰ τῆσ τύχησ καὶ νέμειν ἑκάστῳ τόπον, ἐν ᾧ καὶ τὸ οἰκεῖον ὠφελήσει μάλιστα καὶ τὸ ἀβούλητον ἥκιστα λυπήσει τοὺσ ἐπιτυγχάνοντασ, ἡμέτερον ἔργον ἐστίν, ἂν εὖ φρονῶμεν. τοὺσ μὲν γὰρ ἀτέχνουσ καὶ ἀνοήτουσ περὶ τὸν βίον, ὥσπερ τοὺσ νοσώδεισ τοῖσ σώμασι μήτε καῦμα φέρειν μήτε κρύοσ δυναμένουσ, ἐξίστησι μὲν εὐτυχία συστέλλει δὲ δυστυχία· ταράττονται δ’ ὑπ’ ἀμφοτέρων, μᾶλλον δ’ ὑφ’ αὑτῶν ἐν ἀμφοτέροισ καὶ οὐχ ἧττον ἐν τοῖσ λεγομένοισ ἀγαθοῖσ. Θεόδωροσ μὲν γὰρ ὁ κληθεὶσ ἄθεοσ ἔλεγε τῇ δεξιᾷ τοὺσ λόγουσ ὀρέγοντοσ αὐτοῦ τῇ ἀριστερᾷ δέχεσθαι τοὺσ ἀκροωμένουσ· οἱ δ’ ἀπαίδευτοι πολλάκισ τὴν τύχην δεξιὰν παρισταμένην ἐπαριστέρωσ μεταλαμβάνοντεσ ἀσχημονοῦσιν ἐν.
οἱ δὲ φρόνιμοι, καθάπερ ταῖσ μελίτταισ μέλι φέρει τὸ δριμύτατον τῶν φυτῶν καὶ ξηρότατον ὁ θύμοσ, οὕτωσ ἀπὸ τῶν δυσχερεστάτων πολλάκισ πραγμάτων οἰκεῖόν τι καὶ χρήσιμον αὑτοῖσ λαμβάνουσι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기