호흡부호 보기
강세부호 보기
장단부호 보기
작은 Iota 보기
모든 부호 보기
τὸ λαμπρὸν καὶ τὸ θερμόν. ὅτι δ’ οὐ τοῦ ἀέροσ τὸ μέλαν ἀλλὰ τοῦ ὕδατόσ ἐστιν, ἡ αἴσθησισ ἐπιμαρτυρεῖ, τῷ μὲν ἀέρι μηδενὸσ ὡσ ἁπλῶσ εἰπεῖν μελαινομένου τῷ δ’ ὕδατι πάντων. .
ἂν γὰρ τὸ λευκότατον ἐμβάλῃσ ἔριον εἰσ ὕδωρ ἢ ἱμάτιον, ἀναφαίνεται μέλαν καὶ διαμένει, μέχρι ἂν ὑπὸ θερμότητοσ ἐξικμασθῇ τὸ ὑγρὸν ἤ τισι στρέβλαισ καὶ βάρεσιν ἐκπιεσθῇ τῆσ τε γῆσ ὕδατι ῥαινομένησ, διαμελαίνουσιν οἱ καταλαμβανόμενοι ταῖσ σταγόσι τόποι, τῶν ἄλλων ὁμοίων μενόντων. καὶ διαγελᾷ.
τῶν δ’ ἄλλων ὑγρῶν διαφανὲσ μάλιστα τοὔλαιόν ἐστι, πλείστῳ χρώμενον ἀέρι τούτου τεκμήριον κουφότησ, δι’ ἣν ἐπιπολάζει πᾶσιν ὑπὸ τοῦ ἀέροσ ἄνω φερόμενον, ποιεῖ δὲ καὶ τὴν γαλήνην ἐν τῇ θαλάττῃ τοῖσ κύμασιν ἐπιρραινόμενον, οὐ διὰ τὴν λειότητα τῶν ἀνέμων ἀπολισθαινόντων, ὡσ Ἀριστοτέλησ ἔλεγεν· ἀλλὰ παντὶ μὲν ὑγρῷ τὸ κῦμα διαχεῖται πληττόμενον, ἰδίωσ δὲ τοὔλαιον αὐγὴν καὶ καταφάνειαν ἐν βυθῷ παρέχει, διαστελλομένων τῷ ἀέρι τῶν ὑγρῶν·
οὐ γὰρ μόνον ἐπιπολῆσ τοῖσ διανυκτερεύουσιν ἀλλὰ καὶ κάτω τοῖσ σπογγοθήραισ διαφυσώμενον ἐκ τοῦ στόματοσ ἐν τῇ θαλάττῃ φέγγοσ ἐνδίδωσιν. οὐ μᾶλλον οὖν τῷ ἀέρι τοῦ μέλανοσ ἢ τῷ ὕδατι μέτεστιν, ἧττον.
δὲ τοῦ· ψυχροῦ. τὸ γοῦν ἔλαιον , ἀέροσ πλείστου τῶν ὑγρῶν μετέχον, ἣκιστα ψυχρόν ἐστι καὶ πήγνυται μαλακῶσ· ὁ γὰρ ἀὴρ ἐγκεκραμένοσ οὐκ ἐᾷ σκληρὰν γενέσθαι τὴν πῆξιν βελόνασ δὲ καὶ πόρπασ σιδηρᾶσ καὶ τὰ λεπτὰ τῶν ἔργων οὐχ ὕδατι βάπτουσιν ἀλλ’ ἐλαίῳ, τὴν ἄγαν ψυχρότητα φοβούμενοι τοῦ ·
ὕδατοσ ὡσ διαστρέφουσαν. ἐστιν ἐξετάζεσθαι τὸν λόγον οὐκ ἀπὸ τῶν χρωμάτων ἐπεὶ καὶ χιὼν καὶ χάλαζα καὶ κρύσταλλοσ ἅμα λαμπρότατα γίγνεται καὶ ψυχρότατα καὶ πάλιν πίττα θερμότερόν ἐστι μέλιτοσ καὶ σκοτωδέστερον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기