호흡부호 보기
강세부호 보기
장단부호 보기
작은 Iota 보기
모든 부호 보기
καὶ μὴν ἁπάντων γε τῶν γιγνομένων ὑπὸ ψυχρότητοσ ἐν τοῖσ σώμασι σφοδρότατον καὶ. βιαιότατον ἡ πῆξισ οὖσα πάθοσ μέν ἐστιν ὕδατοσ; ἔργον δ’ ἀέροσ· ’ αὐτὸ μὲν γὰρ καθ’ ἑαυτὸ τὸ ὕδωρ εὐδιάχυτον καὶ ἀπαγὲσ καὶ ἀσύστατόν ἐστιν, ἐντείνεται δὲ καὶ συνάγεται τῷ ἀέρι σφιγγόμενον ὑπὸ ψυχρότητοσ διὸ καὶ λέλεκται εἰ δὲ νότοσ βορέην προκαλέσσεται, αὐτίκα νίψει. τοῦ γὰρ νότου καθάπερ ὕλην τὴν ὑγρότητα παρασκευάσαντοσ, ὁ βόρειοσ ἀὴρ ὑπολαβὼν ἔπηξε.
καὶ δῆλόν ἐστι μάλιστα περὶ τὰσ χιόνασ·
ἀέρα γὰρ μεθεῖσαι καὶ προαναπνεύσασαι λεπτὸν καὶ ψυχρὸν οὕτω ῥέουσιν· Ἀριστοτέλησ δὲ καὶ τὰσ ἀκόνασ τοῦ μολίβδου τήκεσθαί φησι καὶ ῥεῖν ὑπὸ κρύουσ καὶ χειμῶνοσ, ὕδατοσ μόνου πλησιάζοντοσ αὐταῖσ· ὁ δ’ ἀήρ, ὡσ ἐοίκε, συνελαύνων τὰ σώματα τῇ ψυχρότητι καταθραύει καὶ ῥήγνυσιν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기