호흡부호 보기
강세부호 보기
장단부호 보기
작은 Iota 보기
모든 부호 보기
εἰ δ’ ἀπολειπτέον οὐσίαν ψυχροῦ καὶ θερμοῦ, προάγωμεν ἐπὶ τὸ ἑξῆσ τὸν λόγον, ἥτισ ἐστὶν οὐσία καὶ ἀρχὴ καὶ φύσισ ψυχρότητοσ, ζητοῦντεσ· οἱ μὲν οὖν, τῶν σκαληνῶν καὶ τριγωνοειδῶν σχηματισμῶν ἐν τοῖσ σώμασι κειμένων, τὸ ῥιγοῦν καὶ τρέμειν καὶ φρίττειν καὶ ὅσα συγγενῆ τοῖσ πάθεσι τούτοισ ὑπὸ τραχύτητοσ ἐγγίγνεσθαι λέγοντεσ, εἰ καὶ τοῖσ κατὰ μέροσ διαμαρτάνουσι, τὴν γοῦν ἀρχὴν ὅθεν δεῖ λαμβάνουσι δεῖ γὰρ ὥσπερ ἀφ’ ἑστίασ τῆσ τῶν ὅλων οὐσίασ ἄρχεσθαι τὴν ζήτησιν.
ᾧ καὶ μάλιστα δόξειεν ἂν ἰατροῦ καὶ γεωργοῦ καὶ αὐλητοῦ διαφέρειν ὁ φιλόσοφοσ.
παρέμπτωσισ ἐρυσίβησ δ’ ἣλιοι πυριφλεγεῖσ ἐπ’ ὄμβρῳ βαρύτητοσ δὲ κλίσισ αὐλῶν καὶ συναγωγὴ πρὸσ ἀλλήλουσ, ἱκανόν ἐστι τῷ τεχνίτῃ πρὸσ τὸ οἰκεῖον ἔργον.
τῷ δὲ φυσικῷ θεωρίασ ἕνεκα μετιόντι τἀληθὲσ ἡ τῶν ἐσχάτων γνῶσισ οὐ τέλοσ ἐστὶν ἀλλ’ ἀρχὴ τῆσ ἐπὶ τὰ πρῶτα καὶ ἀνωτάτω πορείασ.
καὶ Πλάτων ὀρθῶσ καὶ Δημόκριτοσ αἰτίαν θερμότητοσ καὶ βαρύτητοσ ζητοῦντεσ οὐ κατέπαυσαν ἐν γῇ καὶ πυρὶ τὸν λόγον ἀλλ’ ἐπὶ τὰσ νοητὰσ ἀναφέροντεσ ἀρχὰσ τὰ αἰσθητὰ μέχρι τῶν ἐλαχίστων ὥσπερ σπερμάτων προῆλθον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기