헬라어 문장 검색 - Πλυταρ́Δεγενιό24́

(플루타르코스, De genio Socratis, section 24)

"τὸν μὲν Τιμάρχου λόγον ὥσπερ ἱερὸν καὶ ἄσυλον ἀνακεῖσθαί φημι τῷ θεῷ χρῆναι θαυμάζω δ’ εἰ τοῖσ ὑπὸ Σιμμίου λεγομένοισ περὶ αὐτοῦ δυσπιστήσουσί τινεσ, κύκνουσ μὲν ἱεροὺσ καὶ δράκοντασ καὶ κύνασ καὶ ἵππουσ ὀνομάζοντεσ, ἀνθρώπουσ δὲ θείουσ εἶναι καὶ θεοφιλεῖσ ἀπιστοῦντεσ, καὶ ταῦτα τὸν θεὸν οὐ φίλορνιν ἀλλὰ φιλάνθρωπον ἡγούμενοι. "καθάπερ οὖν ἀνὴρ φίλιπποσ οὐ πάντων ὁμοίωσ ἐπιμέλεται τῶν ὑπ’ αὐτὸ τὸ γένοσ, ἀλλ’ ἀεὶ τιν’ ἄριστον ἐξαιρῶν καὶ ἀποκρίνων καθ’ αὑτὸν ἀσκεῖ καὶ τρέφει καὶ ἀγαπᾷ διαφερόντωσ· "οὕτω καὶ ἡμῶν οἱ ὑπὲρ ἡμᾶσ, τοὺσ βελτίστουσ οἱο͂ν ἐξ ἀγέλησ χαράξαντεσ, ἰδίασ τινὸσ καὶ περιττῆσ παιδαγωγίασ ἀξιοῦσι, οὐχ ὑφ’ ἡνίασ οὐδὲ ῥυτήρων ἀλλὰ λόγῳ διὰ συμβόλων εὐθύνοντεσ· "ὧν οἱ πολλοὶ καὶ ἀγελαῖοι παντάπασιν ἀπείρωσ ἔχουσιν. "οὐδὲ γὰρ οἱ πολλοὶ κύνεσ τῶν θηρατικῶν σημείων οὐδ’ οἱ πολλοὶ ἵπποι τῶν ἱππικῶν συνιᾶσιν ἀλλ’ οἱ μεμαθηκότεσ, εὐθὺσ ἀπὸ σιγμοῦ τοῦ τυχόντοσ ἢ ποππυσμοῦ τὸ προσταττόμενον αἰσθανόμενοι, ῥᾳδίωσ εἰσ ὃ δεῖ καθίστανται. "φαίνεται δὲ γιγνώσκων καὶ Ὅμηροσ ἣν λέγομεν διαφορὰν ἡμεῖσ· "τῶν γὰρ μάντεων οἰωνοπόλουσ τινὰσ καλεῖ καὶ ἱερεῖσ, ἑτέρουσ δὲ τῶν θεῶν αὐτῶν διαλεγομένων συνιέντασ καὶ συμφρονοῦντασ ἀποσημαίνειν οἰέται τὸ μέλλον, ἐν οἷσ λέγει τῶν δ’ Ἕλενοσ, Πριάμοιο φίλοσ παῖσ, ξύνθετο θυμῷ βουλήν, ἥ ῥα θεοῖσιν ἐφήνδανε μητιόωσι καί ὣσ γὰρ ἐγὼν ὄπ’ ἄκουσα θεῶν αἰειγενετάων. "ὥσπερ γὰρ τῶν βασιλέων καὶ τῶν στρατηγῶν τὴν διάνοιαν οἱ μὲν ἐκτὸσ αἰσθάνονται καὶ γιγνώσκουσι πυρσοῖσ τισι καὶ κηρύγμασι καὶ ὑπὸ σαλπίγγων, τοῖσ δὲ πιστοῖσ καὶ συνήθεσιν αὐτοὶ φράζουσιν· "οὕτω τὸ θεῖον ὀλίγοισ ἐντυγχάνει δι’ αὑτοῦ καὶ σπανίωσ, τοῖσ δὲ πολλοῖσ σημεῖα δίδωσιν, ἐξ ὧν ἡ λεγομένη μαντικὴ συνέστηκε. "θεοὶ μὲν γὰρ οὖν ὀλίγων ἀνθρώπων κοσμοῦσι βίον, οὓσ ἂν ἄκρωσ μακαρίουσ τε καὶ θείουσ ὡσ ἀληθῶσ ἀπεργάσασθαι βουληθῶσιν· "αἱ δ’ ἀπηλλαγμέναι γενέσεωσ ψυχαὶ καὶ σχολάζουσαι τὸ λοιπὸν ἀπὸ σώματοσ, οἱο͂ν ἐλεύθεραι πάμπαν ἀφιέμεναι, δαίμονὲσ εἰσιν ἀνθρώπων ἐπιμελεῖσ καθ’ Ἡσίοδον. "ὡσ γὰρ ἀθλητὰσ καταλύσαντασ ἄσκησιν ὑπὸ γήρωσ οὐ τελέωσ ἀπολείπει τὸ φιλότιμον καὶ φιλοσώματον, ἀλλ’ ἑτέρουσ ἀσκοῦντασ ὁρῶντεσ ἥδονται καὶ παρακαλοῦσι καὶ συμπαραθέουσιν· "οὕτωσ οἱ πεπαυμένοι τῶν περὶ τὸν βίον ἀγώνων δι’ ἀρετὴν ψυχῆσ γενόμενοι δαίμονεσ οὐ παντελῶσ ἀτιμάζουσι τἀνταῦθα πράγματα καὶ λόγουσ καὶ σπουδάσ, ἀλλὰ τοῖσ ἐπὶ ταὐτὸ γυμναζομένοισ τέλοσ εὐμενεῖσ ὄντεσ καὶ συμφιλοτιμούμενοι πρὸσ τὴν ἀρετήν, ἐγκελεύονται καὶ συνεξορμῶσιν, ὅταν ἐγγὺσ ἢδη τῆσ ἐλπίδοσ ἁμιλλωμένουσ καὶ ψαύοντασ ὁρῶσιν. "οὐ γὰρ οἷσ ἔτυχε συμφέρεται τὸ δαιμόνιον· "ἀλλ’ οἱο͂ν ἐπὶ τῶν νηχομένων ἐν θαλάττῃ τοὺσ μὲν πελαγίουσ ἔτι καὶ πρόσω τῆσ γῆσ φερομένουσ οἱ ἐπὶ γῆσ ἑστῶτεσ σιωπῇ θεῶνται μόνον, τοὺσ δ’ ἐγγὺσ ἤδη παραθέοντεσ καὶ παρεμβαίνοντεσ ἅμα καὶ χειρὶ καὶ φωνῇ βοηθοῦντεσ ἀνασῴζουσιν οὕτωσ, ὦ τοῦ δαιμονίου ὁ τρόποσ ἡμᾶσ βαπτιζομένουσ ὑπὸ τῶν πραγμάτων , καὶ σώματα πολλὰ καθάπερ ὀχήματα μεταλαμβάνοντασ, αὐτοὺσ ἐξαμιλλᾶσθαι καὶ μακροθυμεῖν, δι’ οἰκείασ πειρωμένουσ ἀρετῆσ σῴζεσθαι καὶ τυγχάνειν λιμένοσ. "ἥτισ δ’ ἂν ἤδη διὰ μυρίων γενέσεων ἠγωνισμένη μακροὺσ ἀγῶνασ εὖ καὶ προθύμωσ ψυχή, τῆσ περιόδου συμπεραινομένησ κινδυνεύουσα καὶ φιλοτιμουμένη περὶ τὴν ἑκβασιν ἱδρῶτι πολλῷ ἄνω προσφέρηται, ταύτῃ τὸν οἰκεῖον οὐ νεμεσᾷ δαίμονα βοηθεῖν ὁ θεὸσ ἀλλ’ ἀφίησι τῷ προθυμουμένῳ προθυμεῖται δ’ ἄλλοσ ἄλλην ἀνασῴζειν ἐγκελευόμενοσ· "ἡ δὲ συνακούει διὰ τὸ πλησιάζειν καὶ σῴζεται μὴ πειθομένη δέ, ἀπολιπόντοσ τοῦ δαίμονοσ, οὐκ εὐτυχῶσ ἀπαλλάσσει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, De genio Socratis, section 24

(플루타르코스, De genio Socratis, section 24)

상위

목록

SEARCH

MENU NAVIGATION