호흡부호 보기
강세부호 보기
장단부호 보기
작은 Iota 보기
모든 부호 보기
"ὁ μὲν οὖν Τιμάρχου μῦθοσ οὗτοσ. "ἐπεὶ δ’ ἐλθὼν Ἀθήναζε τρίτῳ μηνὶ μετὰ τὴν γενομένην φωνὴν ἐτελεύτησεν, ἡμεῖσ δὲ Σωκράτει θαυμάζοντεσ ἀπηγγέλλομεν, ἐμέμψατο Σωκράτησ ἡμᾶσ, ὅτι μὴ ζῶντοσ ἔτι τοῦ Τιμάρχου διήλθομεν αὐτοῦ γὰρ ἂν ἡδέωσ ἐκείνου πυθέσθαι · "καὶ προσανακρῖναι σαφέστερον. "ἀπέχεισ, ὦ Θεόκριτε, μετὰ τοῦ λόγου τὸν μῦθον· "ἀλλ’ ὁρ́α μὴ καὶ τὸν ξένον ἡμῖν παρακλητέον ἐπὶ τὴν ζήτησιν οἰκεία γὰρ πάνυ καὶ προσήκουσα θείοισ ἀνδράσι. "Ἐπαμεινώνδασ οὐ συμβάλλεται γνώμην ἀπὸ τῶν αὐτῶν ἀναγόμενοσ ἡμῖν;
"τὸ ἦθοσ, ὦ ξένε, τὸ τούτου, σιωπηλὸν καὶ πρὸσ τοὺσ λόγουσ εὐλαβέσ, ἄπληστον δὲ τοῦ μανθάνειν καὶ ἀκροᾶσθαι · "διὸ καὶ Σπίνθαροσ ὁ Ταραντῖνοσ οὐκ ὀλίγον αὐτῷ συνδιατρίψασ ἐνταῦθα χρόνον ἀεὶ δήπου λέγει μηδενί πη τῶν καθ’ ἑαυτὸν ἀνθρώπων ἐντετυχηκέναι μήτε πλείονα γιγνώσκοντι μήτε ἐλάσσονα φθεγγομένῳ. σὺ οὖν ἃ φρονεῖσ αὐτὸσ δίελθε περὶ τῶν εἰρημένων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기