Plutarch, De defectu oraculorum, section 45

(플루타르코스, De defectu oraculorum, section 45)

"οὐκ οἶδ’ ἔγωγε τά γε νῦν ἀποδημῶ γάρ, ὡσ ἴστε, πάμπολυν ἤδη χρόνον· "ἔτι δ’ ἤκμαζεν ἐμοῦ παρόντοσ καὶ τὸ Μόψου καὶ τὸ Ἀμφιλόχου μαντεῖον. "ἔχω δ’ εἰπεῖν τῷ Μόψου παραγενόμενοσ πρᾶγμα θαυμασιώτατον. "ὁ γὰρ ἡγεμὼν τῆσ Κιλικίασ αὐτὸσ μὲν ἀμφίδοξοσ ὢν ἔτι πρὸσ τὰ θεῖα, δι’ ἀσθένειαν ἀπιστίασ οἶμαι τἄλλα γὰρ ἦν ὑβριστὴσ καὶ φαῦλοσ ἔχων δὲ περὶ αὑτὸν Ἐπικουρείουσ τινὰσ τῶν καλῶν δὴ καὶ φυσιολόγων ἐνυβρίζοντασ, ὡσ αὐτοὶ λέγουσι, τοῖσ τοιούτοισ, εἰσέπεμψεν ἀπελεύθερον οἱο͂ν εἰσ πολεμίων κατάσκοπον ἐνσκευάσασ, ἔχοντα κατεσφραγισμένην δέλτον, ἐν ᾗ τὸ ἐρώτημ’ ἦν ἐγγεγραμμένον, οὐδενὸσ εἰδότοσ. "ἐννυχεύσασ οὖν ὁ ἄνθρωποσ ὥσπερ ἔθοσ ἐστὶ τῷ σηκῷ , καὶ κατακοιμηθεὶσ ἀπήγγειλε μεθ’ ἡμέραν ἐνύπνιον τοιοῦτον. "ἄνθρωπον ἔδοξεν αὑτῷ καλὸν ἐπιστάντα φθέγξασθαι τοσοῦτον μέλανα καὶ πλέον οὐδὲν ἀλλ’ εὐθὺσ οἴχεσθαι. "τοῦθ’ ἡμῖν μὲν ἄτοπον ἐφάνη καὶ πολλὴν ἀπορίαν παρέσχεν ὁ δ’ ἡγεμὼν ἐκεῖνοσ ἐξεπλάγη καὶ προσεκύνησεν , καὶ τὴν δέλτον ἀνοίξασ ἐπεδείκνυεν ἐρώτημα τοιοῦτο γεγραμμένον πότερόν σοι λευκὸν ἢ μέλανα θύσω ταῦρον; "’ ὥστε καὶ τοὺσ Ἐπικουρείουσ διατραπῆναι , κἀκεῖνον αὐτὸν τήν τε θυσίαν ἐπιτελεῖν καὶ σέβεσθαι διά τέλουσ τὸν Μόψον.

일치하는 문장이 없습니다.

SEARCH

MENU NAVIGATION