Plutarch, De defectu oraculorum, section 31

(플루타르코스, De defectu oraculorum, section 31)

ἐγὼ μὲν οὖν τοσαῦτ’ εἰπὼν ἐπέσχον. "περὶ τούτων οὕτωσ ἔχειν ἢ ἑτέρωσ οὐκ ἂν ἔγωγε διισχυρισαίμην εἰ δὲ τὸν θεὸν ἐκβιβάζομεν ἑνὸσ κόσμου, διὰ τί πέντε μόνων οὐ πλειόνων ποιοῦμεν δημιουργόν, καί τίσ ἔστι τοῦ ἀριθμοῦ τούτου πρὸσ τὸ πλῆθοσ λόγοσ, ἣδιον ἄν μοι δοκῶ μαθεῖν ἢ τῆσ ἐνταῦθα τοῦ Ε καθιερώσεωσ τὴν διάνοιαν. "οὔτε γὰρ τρίγωνοσ ἢ τετράγωνοσ οὔτε τέλειοσ ἢ κυβικὸσ οὔτ’ ἄλλην τινὰ φαίνεται κομψότητα παρέχων τοῖσ ἀγαπῶσι τὰ τοιαῦτα καὶ θαυμάζουσιν. "ἡ δ’ ἀπὸ τῶν στοιχείων ἔφοδοσ, ἣν αὐτὸσ ὑπῃνίξατο, πάντῃ δύσληπτόσ ἐστι καὶ μηδὲν ὑποφαίνουσα τῆσ ἐκεῖνον ἐπεσπασμένησ πιθανότητοσ εἰπεῖν, ὡσ εἰκόσ ἐστι πέντε σωμάτων ἰσογωνίων καὶ ἰσοπλεύρων καὶ περιεχομένων ἴσοισ ἐπιπέδοισ, ἐγγενομένων τῇ ὕλῃ, τοσούτουσ εὐθὺσ ἐξ αὐτῶν ἀποτελεσθῆναι κόσμουσ.

일치하는 문장이 없습니다.

SEARCH

MENU NAVIGATION