호흡부호 보기
강세부호 보기
장단부호 보기
작은 Iota 보기
모든 부호 보기
"ὦ φίλε Δημήτριε. "τῶν γὰρ σωμάτων τὰ μὲν ἐπὶ τὸ μέσον καὶ κάτω κινεῖσθαι λέγων τὰ δ’ ἀπὸ τοῦ μέσου καὶ ἄνω τὰ δὲ περὶ τὸ μέσον καὶ κύκλῳ, πρὸσ τί λαμβάνει τὸ μέσον; "οὐ δήπου πρὸσ τὸ κενόν· "οὐ γὰρ ἔστι κατ’ αὐτόν. καθ’ οὓσ δ’ ἔστιν, οὐκ ἔχει μέσον, ὥσπερ οὐδὲ πρῶτον οὐδ’ ἔσχατον πέρατα γὰρ ταῦτα, τὸ δ’ ἄπειρον καὶ ἀπεράτωτον. "εἰ δὲ καὶ βιάσαιτό τισ αὑτὸν λόγου βίᾳ κενοῦ μέσον ἀπείρου νοῆσαί τι, τίσ ἡ πρὸσ τοῦτο γιγνομένη τῶν κινήσεων διαφορὰ τοῖσ σώμασι; "οὔτε γὰρ ἐν τῷ κενῷ δύναμίσ ἐστι τῶν σωμάτων οὔτε τὰ σώματα προαίρεσιν ἔχει καὶ ὁρμήν, ἣ τοῦ μέσου γλίχεται καὶ πρὸσ τοῦτο συντείνει πανταχόθεν. "ἀλλ’ ὁμοίωσ ἄπορόν ἐστιν ἀψύχων σωμάτων πρὸσ ἀσώματον χώραν καὶ ἀδιάφορον ἢ φορὰν ἐξ αὑτῶν ἢ ὁλκὴν ὑπ’ ἐκείνησ γιγνομένην νοῆσαι. "λείπεται τοίνυν τὸ μέσον οὐ τοπικῶσ ἀλλὰ σωματικῶσ λέγεσθαι. "τοῦδε γὰρ τοῦ κόσμου μίαν ἐκ πλειόνων σωμάτων καὶ ἀνομοίων ἑνότητα καὶ σύνταξιν ἔχοντοσ, αἱ διαφοραὶ τὰσ κινήσεισ ἄλλοισ πρὸσ ἄλλα ποιοῦσιν ἐξ ἀνάγκησ· "δῆλον δὲ τῷ μετακοσμούμενα ταῖσ οὐσίαισ ἕκαστα καὶ τὰσ χώρασ ἅμα συμμεταβάλλειν αἱ μὲν γὰρ διακρίσεισ ἀπὸ τοῦ μέσου τὴν ὕλην αἰρομένην ἄνω κύκλῳ διανέμουσιν αἱ δὲ συγκρίσεισ καὶ πυκνώσεισ πιέζουσι κάτω πρὸσ τὸ μέσον καὶ συνελαύνουσι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기