헬라어 문장 검색 - Πλυταρ́Ξρασσυσ́22́

(플루타르코스, chapter 22)

τότ’ οὖν ὁ βάρβαροσ, ὡσ ἔπεισεν αὐτόν, ἀποσπάσασ τοῦ ποταμοῦ διὰ μέσων ἦγε τῶν πεδίων ὁδὸν ἐπιεικῆ καὶ κούφην τὸ πρῶτον, εἶτα μοχθηράν, ἄμμου βαθείασ ὑποδεχομένησ καὶ πεδίων ἀδένδρων καὶ ἀνύδρων καὶ πρὸσ οὐδὲν οὐδαμῇ πέρασ ἐφικτὸν αἰσθήσει παυομένων, ὥστε μὴ μόνον δίψει καὶ χαλεπότητι τῆσ πορείασ ἀπαγορεύειν, ἀλλὰ καὶ τὸ τῆσ ὄψεωσ ἀπαραμύθητον ἀθυμίαν παρέχειν οὐ φυτὸν ὁρῶσιν, οὐ ῥεῖθρον, οὐ προβολὴν ὄρουσ καθιέντοσ, οὐ πόαν διαβλαστάνουσαν, ἀλλ’ ἀτεχνῶσ πελάγιόν τι χεῦμα θινῶν τινων ἐρήμων περιεχόντων τὸν στρατόν. ἦν μὲν οὖν καὶ ἀπὸ τούτων ὁ δόλοσ ὕποπτοσ· παραινεῖ δὲ Κράσσῳ μάλιστα μὲν ἐκεῖ τραπέσθαι καὶ γενόμενον μετ’ Ἀρμενίων ὁμοῦ διαγωνίσασθαι πρὸσ τὸν Ὑρώδην, εἰ δὲ μή, πορεύεσθαι καὶ στρατοπεδεύειν ἀεὶ τὰ ἱππάσιμα φεύγοντα καὶ προσχωροῦντα τοῖσ ὀρεινοῖσ, Κράσσοσ μὲν οὐδὲν ἀντιγράψασ ὑπ’ ὀργῆσ καὶ σκαιότητοσ ἀπεκρίνατο νῦν μὲν Ἀρμενίοισ μὴ σχολάζειν, αὖθισ δ’ ἀφίξεσθαι δίκην ἐπιθήσων Ἀρταουάσδῃ τῆσ προδοσίασ.

οἱ δὲ περὶ Κάσσιον αὖθισ ἠγανάκτουν, καὶ Κράσσον μὲν ἀχθόμενον αὐτοῖσ ἐπαύσαντο νουθετοῦντεσ, ἰδίᾳ δὲ τὸν βάρβαρον ἐλοιδόρουν·

"τίσ σε δαίμων πονηρόσ, ὦ κάκιστε ἀνθρώπων, ἤγαγε πρὸσ ἡμᾶσ; "τίσι δὲ φαρμάκοισ καὶ γοητείαισ ἔπεισασ Κράσσον εἰσ ἐρημίαν ἀχανῆ καὶ βύθιον ἐκχέαντα τὴν στρατιὰν ὁδὸν ὁδεύειν Νομάδι λῃστάρχῃ μᾶλλον ἢ Ῥωμαίων αὐτοκράτορι προσήκουσασ; ὁ δὲ βάρβαροσ ἀνὴρ ὢν ποικίλοσ ἐκείνουσ μὲν ὑποπίπτων ἐθάρρυνε καὶ παρεκάλει μικρὸν ἔτι καρτερῆσαι, τοὺσ δὲ στρατιώτασ ἅμα συμπαραθέων καὶ παραβοηθῶν ἐπέσκωπτε μετὰ γέλωτοσ·

"ὑμεῖσ δὲ διὰ Καμπανίασ ὁδεύειν οἰέσθε κρήνασ καὶ νάματα καὶ σκιὰσ καὶ λουτρὰ δηλαδὴ καὶ πανδοκεῖα ποθοῦντεσ; "οὐ μέμνησθε δὲ τὴν Ἀράβων διεξιόντεσ καὶ Ἀσσυρίων μεθορίαν; οὕτω μὲν ὁ βάρβαροσ διεπαιδαγώγησε τοὺσ Ῥωμαίουσ, καὶ πρὶν ἢ γενέσθαι φανερὸσ ἐξαπατῶν ἀφίππευσεν, οὐ λαθὼν τὸν Κράσσον, ἀλλὰ καὶ τοῦτο πείσασ, ὡσ ὑπεργάσεται καὶ διαταράξει τὰ τῶν πολεμίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, chapter 22

(플루타르코스, chapter 22)

상위

목록

SEARCH

MENU NAVIGATION