헬라어 문장 검색 - Πλυταρ́Ξατοτηέ68́

(플루타르코스, Cato the Younger, chapter 68)

οὕτω δὲ διαλύσασ τὸ σύνδειπνον, καὶ περιπατήσασ μετὰ τῶν φίλων τόν συνήθη μετὰ τὸ δεῖπνον περίπατον, καὶ τοῖσ ἄρχουσι τῶν φυλάκων ἃ καιρὸσ ἦν προστάξασ, ἀπιὼν εἰσ τὸ δωμάτιον ἤδη, τόν τε παῖδα καὶ τῶν φίλων ἕκαστον μᾶλλον ἢ πρότερον εἰώθει προσαγαγόμενοσ καὶ φιλοφρονηθείσ, πάλιν ὑποψίαν παρέσχε τοῦ μέλλοντοσ. εἰσελθὼν δὲ καὶ κατακλιθεὶσ ἔλαβεν εἰσ χεῖρασ τῶν Πλάτωνοσ διαλόγων τόν περὶ ψυχῆσ·

καὶ διελθὼν τοῦ βιβλίου τὸ πλεῖστον καὶ ἀναβλέψασ ὑπὲρ κεφαλῆσ, ὡσ οὐκ εἶδε κρεμάμενον τὸ ξίφοσ ὑ̔φῄρητο γὰρ ὁ παῖσ ἔτι δειπνοῦντοσ αὐτοῦ, καλέσασ οἰκέτην ἠρώτησεν ὅστισ λάβοι τὸ ἐγχειρίδιον. σιωπῶντοσ δὲ ἐκείνου πάλιν ἦν πρὸσ τῷ βιβλίῳ· καὶ μικρὸν διαλιπών, ὥσπερ οὐ σπεύδων οὐδὲ ἐπειγόμενοσ, ἄλλωσ δὲ τὸ ξίφοσ ἐπιζητῶν, ἐκέλευσε κομίσαι. διατριβῆσ δὲ γινομένησ καὶ μηδενὸσ κομίζοντοσ, ἐξαναγνοὺσ τὸ βιβλίον αὖθισ ἐκάλει καθ’ ἕνα τῶν οἰκετῶν καὶ μᾶλλον ἐνέτεινε τὴν φωνὴν τὸ ξίφοσ ἀπαιτῶν·

ἑνὸσ δὲ καὶ πὺξ τὸ στόμα πατάξασ ᾕμαξε τὴν αὐτοῦ χεῖρα, χαλεπαίνων καὶ βοῶν ἤδη μέγα παραδίδοσθαι τῷ πολεμίῳ γυμνὸσ ὑπὸ τοῦ παιδὸσ αὐτοῦ καὶ τῶν οἰκετῶν, ἄχρι οὗ κλαίων ὁ υἱὸσ εἰσέδραμε μετὰ τῶν φίλων καὶ περιπεσὼν ὠδύρετο καὶ καθικέτευεν. "ἐγὼ καὶ ποῦ λέληθα παρανοίασ ἡλωκώσ, ὅτι διδάσκει μέν οὐδεὶσ οὐδεὶσ μεταπείθει περὶ ὧν δοκῶ κακῶσ βεβουλεῦσθαι, κωλύομαι δὲ χρῆσθαι τοῖσ ἐμαυτοῦ λογισμοῖσ καὶ παροπλίζομαι;

"τί δ’ οὐχὶ καὶ συνδεῖσ, ὦ γενναῖε, τόν πατέρα καὶ τὰσ χεῖρασ ἀποστρέφεισ, μέχρι ἂν ἐλθὼν Καῖσαρ εὑρ́ῃ με μηδὲ ἀμύνασθαι δυνάμενον; "οὐ γὰρ ἐπ’ ἐμαυτόν γε δέομαι ξίφουσ, ὅπου καὶ τὸ πνεῦμα βραχὺν χρόνον ἐπισχόντα καὶ τὴν κεφαλὴν ἅπαξ πατάξαντα πρὸσ τὸν τοῖχον ἀποθανεῖν ἔνεστι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cato the Younger, chapter 68

(플루타르코스, Cato the Younger, chapter 68)

상위

목록

SEARCH

MENU NAVIGATION