헬라어 문장 검색 - Πλυταρ́Ξατοτηέ52́

(플루타르코스, Cato the Younger, chapter 52)

ὡσ δὲ Ἀρίμινον κατείληπτο καὶ Καῖσαρ κατηγγέλλετο μετὰ στρατιᾶσ ἐλαύνειν ἐπὶ τὴν πόλιν, ἐνταῦθα δὴ πάντεσ ἐπ’ ἐκεῖνον ἀφεώρων, οἵ τε πολλοὶ καὶ Πομπήϊοσ, ὡσ μόνον μὲν ἐξ ἀρχῆσ προαισθόμενον, πρῶτον δὲ φανερῶσ προειπόντα τὴν Καίσαροσ γνώμην. εἶπεν οὖν ὁ Κάτων· "ἀλλὰ εἴ γε οἷσ ἐγὼ προὔλεγον ἀεὶ καὶ συνεβούλευον ἐπείσθη τισ ὑμῶν, ἄνδρεσ, οὔτ’ ἂν ἕνα ἐφοβεῖσθε νῦν οὔτε ἐν ἑνὶ τὰσ ἐλπίδασ εἴχετε.

Πομπηϊού δὲ εἰπόντοσ μαντικώτερα μὲν εἰρῆσθαι Κάτωνι, φιλικώτερα δὲ αὐτῷ πεπρᾶχθαι, συνεβούλευεν ὁ Κάτων ἑνὶ Πομπηϊῴ τὰ πράγματα τὴν σύγκλητον ἐγχειρίσαι· τῶν γὰρ αὐτῶν εἶναι καὶ ποιεῖν τὰ μεγάλα κακὰ καὶ παύειν. ὁ μὲν οὖν Πομπήϊοσ οὔτε δύναμιν ἔχων ἑτοίμην οὔτε οὓσ κατέλεγε τότε προθύμουσ ὁρῶν ἐξέλιπε τὴν Ῥώμην, ὁ δὲ Κάτων ἕπεσθαι καὶ συμφεύγειν ἐγνωκώσ τὸν μὲν νεώτερον υἱὸν εἰσ Βρεττίουσ ὑπεξέθετο πρὸσ Μουνάτιον, τὸν δὲ πρεσβύτερον εἶχε σὺν ἑαυτῷ.

τῆσ οἰκίασ καὶ τῶν θυγατέρων κηδεμόνοσ δεομένων ἀνέλαβε πάλιν τὴν Μαρκίαν χηρεύουσαν ἐπὶ χρήμασι πολλοῖσ· ὁ γὰρ Ὁρτήσιοσ θνῄσκων ἐκείνην ἀπέλιπε κληρονόμον. εἰσ ὃ δὴ μάλιστα λοιδορούμενοσ ὁ Καῖσαρ τῷ Κάτωνι φιλοπλουτίαν προφέρει καὶ μισθαρνίαν ἐπὶ τῷ γάμῳ.

τί γὰρ ἔδει παραχωρεῖν δεόμενον γυναικόσ ἢ τί μὴ δεόμενον αὖθισ ἀναλαμβάνειν, εἰ μὴ δέλεαρ ἐξ ἀρχῆσ ὑφείθη τὸ γύναιον Ὁρτησίῳ καὶ νέαν ἔχρησεν, ἵνα πλουσίαν ἀπολάβῃ; πρὸσ μὲν οὖν ταῦτα μετρίωσ ἔχει τὸ Εὐριπίδειον ἐκεῖνο· πρῶτον μὲν οὖν τἄρρητ’· ἐν ἀρρήτοισι γὰρ τὴν σὴν νομίζω δειλίαν, ὦ Ἡράκλεισ· ὅμοιον γάρ ἐστι τῷ Ἡρακλεῖ μαλακίαν ὀνειδίζειν καὶ κατηγορεῖν αἰσχροκέρδειαν Κάτωνοσ, εἰ δὲ ἄλλῃ πη μὴ καλῶσ πέπρακται τὰ περὶ τὸν γάμον, ἐπισκεπτέον.

ἐγγυησάμενοσ γὰρ τὴν Μαρκίαν ὁ Κάτων, καὶ τὸν οἶκον ἐπιτρέψασ ἐκείνῃ καὶ τὰσ θυγατέρασ, αὐτὸσ ἐδίωκε Πομπήϊον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Cato the Younger, chapter 52

(플루타르코스, Cato the Younger, chapter 52)

상위

목록

SEARCH

MENU NAVIGATION