호흡부호 보기
강세부호 보기
장단부호 보기
작은 Iota 보기
모든 부호 보기
πολλῶν δὲ καὶ ἀγαθῶν ἀνδρῶν μετιέναι τὴν ἀρχὴν τότε παρασκευαζομένων, τοὺσ μὲν ἄλλουσ ὀφθέντεσ ἐν ταῖσ παραγγελίαισ ἀπέτρεψαν, μόνον δὲ Λεύκιον Δομίτιον Πορκίᾳ συνοικοῦντα τῇ ἀδελφῇ Κάτων ἔπεισε μὴ ἐκστῆναι μηδὲ ὑφέσθαι, τοῦ ἀγῶνοσ οὐ περὶ ἀρχῆσ ὄντοσ, ἀλλὰ περὶ τῆσ Ῥωμαίων ἐλευθερίασ. καὶ μέντοι καὶ λόγοσ ἐχώρει διὰ τοῦ σωφρονοῦντοσ ἔτι τῆσ πόλεωσ μέρουσ, ὡσ οὐ περιοπτέον, εἰσ ταὐτὸ τῆσ Κράσσου καὶ Πομπηϊού δυνάμεωσ συνελθούσησ, παντάπασιν ὑπέρογκον καὶ βαρεῖαν τὴν ἀρχὴν γενομένην, ἀλλ’ ἀφαιρετέον αὐτῆσ τὸν ἕτερον.
καὶ συνίσταντο πρὸσ τὸν Δομίτιον παρορμῶντεσ καὶ παραθαρρύνοντεσ ἀντιλαμβάνεσθαι· πολλοὺσ γὰρ αὐτῷ καὶ τῶν σιωπώντων διὰ δέοσ ἐν ταῖσ ψήφοισ ὑπάρξειν. τοῦτο δὴ δείσαντεσ οἱ περὶ τὸν Πομπήϊον ὑφεῖσαν ἐνέδραν τῷ Δομιτίῳ καταβαίνοντι ὄρθριον ὑπὸ λαμπάδων εἰσ τὸ πεδίον, καὶ πρῶτοσ μὲν ὁ προφαίνων ἐπιστὰσ τῷ Δομιτίῳ πληγεὶσ καὶ πεσὼν ἀπέθανε·
μετὰ δὲ τοῦτον ἤδη καὶ τῶν ἄλλων συντιτρωσκομένων ἐγίνετο φυγὴ πλὴν Κάτωνοσ καὶ Δομιτίου. κατεῖχε γὰρ αὐτὸν ὁ Κάτων, καίπερ αὐτὸσ εἰσ τὸν βραχίονα τετρωμένοσ, καὶ παρεκελεύετο μένειν καὶ μὴ προλιπεῖν, ἑώσ ἐμπνέωσι, τὸν ὑπὲρ τῆσ ἐλευθερίασ ἀγῶνα πρὸσ τοὺσ τυράννουσ, οἳ τίνα τρόπον χρήσονται τῇ ἀρχῇ δηλοῦσι διὰ τηλικούτων ἀδικημάτων ἐπ’ αὐτὴν βαδίζοντεσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기