Plutarch, Cato the Younger, chapter 30

(플루타르코스, Cato the Younger, chapter 30)

Πομπήϊοσ δὲ μέγασ ἀπὸ τῆσ στρατείασ ἐπανιών, καὶ τῇ λαμπρότητι καὶ προθυμίᾳ τῆσ ὑποδοχῆσ πεποιθὼσ οὐδὲν ἂν δεηθεὶσ ἀποτυχεῖν τῶν πολιτῶν, προὔπεμψεν ἀξιῶν τὰσ ὑπατικὰσ ἀρχαιρεσίασ ἀναβαλέσθαι τὴν σύγκλητον, ὡσ ἂν αὐτὸσ παρὼν Πείσωνι συναρχαιρεσιάσῃ. τῶν δὲ πλείστων ὑπεικόντων, οὐ τὴν ἀναβολὴν μέγιστον ὁ Κάτων ἡγούμενοσ, ἀλλὰ τὴν πεῖραν ἀποκόψαι καὶ τὴν ἐλπίδα τοῦ Πομπηϊού βουλόμενοσ, ἀντεῖπε καὶ μετέστησε τὴν βουλήν, ὥστε ἀποψηφίσασθαι.

τοῦτο τὸν Πομπήϊον οὐχ ἡσυχῇ διετάραξε· καὶ νομίζων οὐ μικρὰ προσπταίσειν τῷ Κάτωνι μὴ φίλῳ γενομένῳ, μετεπέμψατο Μουνάτιον, ἑταῖρον αὐτοῦ· καὶ δύο τοῦ Κάτωνοσ ἀδελφιδᾶσ ἐπιγάμουσ ἔχοντοσ ᾔτει τὴν μὲν πρεσβυτέραν ἑαυτῷ γυναῖκα, τὴν δὲ νεωτέραν τῷ υἱῷ. τινὲσ δέ φασιν οὐ τῶν ἀδελφιδῶν, ἀλλὰ τῶν θυγατέρων τὴν μνηστείαν γενέσθαι, τοῦ δὲ Μουνατίου ταῦτα πρὸσ τὸν Κάτωνα καὶ τὴν γυναῖκα καὶ τὰσ ἀδελφὰσ φράσαντοσ, αἱ μὲν ὑπερηγάπησαν τὴν οἰκειότητα πρὸσ τὸ μέγεθοσ καὶ τὸ ἀξίωμα τοῦ ἀνδρόσ, ὁ δὲ Κάτων οὔτ’ ἐπισχὼν οὔτε βουλευσάμενοσ, ἀλλὰ πληγεὶσ εὐθὺσ εἶπε·

"βάδιζε, Μουνάτιε, βάδιζε, καὶ λέγε πρὸσ Πομπήϊον ὡσ Κάτων οὐκ ἔστι διὰ τῆσ γυναικωνίτιδοσ ἁλώσιμοσ, ἀλλὰ τὴν μὲν εὔνοιαν ἀγαπᾷ, καὶ τὰ δίκαια ποιοῦντι φιλίαν παρέξει πάσησ πιστοτέραν οἰκειότητοσ, ὅμηρα δὲ οὐ προήσεται τῇ Πομπηϊού δόξῃ κατὰ τῆσ πατρίδοσ.

ἐπὶ τούτοισ ἤχθοντο μὲν αἱ γυναῖκεσ, ᾐτιῶντο δὲ οἱ φίλοι τοῦ Κάτωνοσ ὡσ ἄγροικον ἅμα καὶ ὑπερήφανον τὴν ἀπόκρισιν. εἶτα μέντοι πράττων τινὶ τῶν φίλων ὑπατείαν ὁ Πομπήϊοσ ἀργύριον εἰσ τὰσ φυλὰσ ἔπεμπε, καὶ περιβόητοσ ὁ δεκασμὸσ ἦν, ἐν κήποισ ἐκείνου τῶν χρημάτων ἀριθμουμένων.

εἰπόντοσ οὖν τοῦ Κάτωνοσ πρὸσ τὰσ γυναῖκασ ὅτι τοιούτων ἦν κοινωνεῖν καὶ ἀναπίμπλασθαι πραγμάτων ἀνάγκη Πομπηϊῴ συναφθέντα δι’ οἰκειότητοσ, ὡμολόγουν ἐκεῖναι κάλλιον αὐτὸν βεβουλεῦσθαι διακρουσάμενον. εἰ δὲ δεῖ πρὸσ τὰ συμβάντα κρίνειν, τοῦ παντὸσ ἐοίκεν ὁ Κάτων ἁμαρτεῖν τὴν οἰκειότητα μὴ δεξάμενοσ, ἀλλ’ ἐάσασ πρὸσ Καίσαρα τραπέσθαι καὶ γῆμαι γάμον ὃσ τὴν Πομπηϊού δύναμιν καὶ Καίσαροσ εἰσ ταὐτὸ συνενεγκών ὀλίγου τὰ μὲν Ῥωμαίων ἀνέτρεψε πράγματα, τὴν δὲ πολιτείαν ἀνεῖλεν, ὧν οὐθὲν ἂν ἴσωσ συνέπεσεν, εἰ μὴ Κάτων τὰ μικρὰ τοῦ Πομπηϊού φοβηθεὶσ ἁμαρτήματα τὸ μέγιστον περιεῖδεν, αὐτὸν ἑτέρῳ δύναμιν προσγενόμενον.

일치하는 문장이 없습니다.

SEARCH

MENU NAVIGATION