호흡부호 보기
강세부호 보기
장단부호 보기
작은 Iota 보기
모든 부호 보기
καὶ δεδιττομένου τὴν βουλὴν ἐφ’ οἷσ αὐτὸν ἔδει δεδιέναι καὶ ἀγαπᾶν εἰ τῶν γεγονότων ἀθῷοσ ἀπαλλάξει καὶ ἀνύποπτοσ, οὕτωσ περιφανῶσ καὶ ἰταμῶσ τοὺσ κοινοὺσ ἐξαρπάζων πολεμίουσ καὶ τὴν παρ’ οὐδὲν ἐλθοῦσαν ἀπολέσθαι πατρίδα τοιαύτην καὶ τοσαύτην ὁμολογῶν μὴ ἐλεεῖν, ἀλλ’ οὓσ ἔδει μὴ γενέσθαι μηδὲ φῦναι δακρύων καὶ ἀνακλαιόμενοσ, εἰ φόνων μεγάλων καὶ κινδύνων ἀπαλλάξουσι τὴν πόλιν ἀποθανόντεσ. τοῦτον μόνον ὧν Κάτων εἶπε διασῴζεσθαί φασι τόν λόγον, Κικέρωνοσ τοῦ ὑπάτου τοὺσ διαφέροντασ ὀξύτητι τῶν γραφέων σημεῖα προδιδάξαντοσ ἐν μικροῖσ καὶ βραχέσι τύποισ πολλῶν γραμμάτων ἔχοντα δύναμιν, εἶτα ἄλλον ἀλλαχόσε τοῦ βουλευτηρίου σποράδην ἐμβαλόντοσ.
οὔπω γὰρ ἤσκουν οὐδ’ ἐκέκτηντο τοὺσ καλουμένουσ σημειογράφουσ, ἀλλὰ τότε πρῶτον εἰσ ἴχνοσ τι καταστῆναι λέγουσιν. ἐκράτησε δ’ οὖν ὁ Κάτων καὶ μετέστησε τὰσ γνώμασ, ὥστε θάνατον καταψηφίσασθαι τῶν ἀνδρῶν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기