Ancient Greek Text

Plutarch, Cato the Younger, chapter 22

(플루타르코스, Cato the Younger, chapter 22)

πρὶν δὲ εἰσ τὴν δημαρχίαν καθίστασθαι, Κικέρωνοσ ὑπατεύοντοσ, ἄλλοισ τε πολλοῖσ ἀγῶσι τὴν ἀρχὴν ὤρθωσεν αὐτοῦ καὶ ταῖσ περὶ Κατιλίναν πράξεσι μεγίσταισ καὶ καλλίσταισ γενομέναισ τέλοσ ἐπέθηκεν. Λέντλοσ δὲ καὶ Κέθηγοσ καὶ μετ’ αὐτῶν ἕτεροι συχνοὶ δεξάμενοι τὴν συνωμοσίαν, καὶ τῷ Κατιλίνᾳ δειλίαν καὶ μικρολογίαν τῶν τολμημάτων ἐπικαλοῦντεσ, αὐτοὶ διενοοῦντο τὴν πόλιν ἄρδην ἀναιρεῖν πυρί καὶ τὴν ἡγεμονίαν ἐθνῶν ἀποστάσεσι καὶ πολέμοισ ἀλλοφύλοισ ἀνατρέπειν.

φανερᾶσ δὲ τῆσ παρασκευῆσ αὐτῶν γενομένησ, καὶ Κικέρωνοσ ἐν βουλῇ γνώμην προθέντοσ, ὁ μὲν πρῶτοσ εἰπὼν Σιλανὸσ ἀπεφήνατο δοκεῖν αὐτῷ τὰ ἔσχατα παθεῖν χρῆναι τοὺσ ἄνδρασ, οἱ δὲ μετ’ αὐτὸν ἐφεξῆσ ἠκολούθησαν, ἄχρι Καίσαροσ.

Καῖσαρ δὲ ἀναστάσ, ἅτε δὴ καὶ δεινὸσ εἰπεῖν καὶ πᾶσαν ἐν τῇ πόλει μεταβολὴν καὶ κίνησιν ὥσπερ ὕλην ὧν αὐτὸσ διενοεῖτο βουλόμενοσ αὔξειν μᾶλλον ἢ σβεννυμένην περιορᾶν, ἐπαγωγὰ πολλὰ καὶ φιλάνθρωπα διαλεχθείσ ἀποκτεῖναι μὲν ἀκρίτουσ οὐκ εἰά τοὺσ ἄνδρασ, εἱρχθέντασ δὲ τηρεῖν ἐκέλευσεν, οὕτω δὲ τὰσ γνώμασ μετέστησε τῆσ βουλῆσ, φοβηθείσησ τὸν δῆμον, ὥστε καὶ Σιλανὸν ἔξαρνον εἶναι καὶ λέγειν ὡσ οὐδ’ αὐτὸσ εἴποι θάνατον, ἀλλὰ εἱργμόν·

ἔσχατον γὰρ ἀνδρὶ Ῥωμαίῳ τοῦτο κακῶν ἁπάντων.