호흡부호 보기
강세부호 보기
장단부호 보기
작은 Iota 보기
모든 부호 보기
οὕτω δὲ τοὺσ γραμματεῖσ ταπεινώσασ καὶ ποιήσασ ὑποχειρίουσ, καὶ τοῖσ πράγμασιν ὡσ αὐτὸσ ἐβούλετο χρώμενοσ, ὀλίγῳ χρόνῳ τὸ ταμιεῖον ἀπέδειξε τοῦ βουλευτηρίου σεμνότερον, ὡσ καὶ λέγειν καὶ φρονεῖν ἅπαντασ ὅτι Κάτων ὑπατείασ ἀξίωμα τῇ ταμιείᾳ περιέθηκε. ἔπειτα γράμματα πολλῶν οὐ προσηκόντωσ ἀναφερόντων, καὶ δόγματα ψευδῆ παραδέχεσθαι χάριτι καὶ δεήσει τῶν προτέρων εἰωθότων, οὐδὲν αὐτὸν ἔλαθε γινόμενον τοιοῦτον, ἀλλ’ ὑπὲρ ἑνόσ ποτε δόγματοσ ἐνδοιάσασ εἰ κύριον γέγονε, πολλῶν μαρτυρούντων οὐκ ἐπίστευσεν, οὐδὲ κατέταξε πρότερον ἢ τοὺσ ὑπάτουσ ἐπομόσαι παραγενομένουσ.
ὄντων δὲ πολλῶν οἷσ Σύλλασ ἐκεῖνοσ ἀποκτείνασιν ἄνδρασ ἐκ προγραφῆσ γέρασ ἔδωκεν ἀνὰ μυρίασ δισχιλίασ δραχμάσ, ἅπαντεσ μὲν αὐτοὺσ ὡσ ἐναγεῖσ καὶ μιαροὺσ ἑμίσουν, ἀμύνασθαι δὲ οὐδεὶσ ἐτόλμα, Κάτων δὲ προσκαλούμενοσ ἕκαστον ἔχοντα δημόσιον ἀργύριον ἀδίκωσ ἐξέπραττεν, ἅμα θυμῷ καὶ λόγῳ τὸ τῆσ πράξεωσ ἀνόσιον καὶ παράνομον ἐξονειδίζων.
οἱ δὲ τοῦτο παθόντεσ εὐθὺσ ἦσαν ἔνοχοι φόνῳ, καὶ τρόπον τινὰ προηλωκότεσ ἀπήγοντο πρὸσ τοὺσ δικαστὰσ καὶ δίκασ ἔτινον, ἡδομένων πάντων καὶ νομιζόντων συνεξαλείφεσθαι τὴν τότε τυραννίδα καὶ Σύλλαν αὐτὸν ἐφορᾶν κολαζόμενον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기