호흡부호 보기
강세부호 보기
장단부호 보기
작은 Iota 보기
모든 부호 보기
Δηϊόταροσ δὲ ὁ Γαλάτησ μετεπέμψατο μὲν τὸν Κάτωνα πρεσβύτεροσ ὢν ἤδη παραθέσθαι τοὺσ παῖδασ αὐτῷ βουλόμενοσ καὶ τὸν οἶκον, ἐλθόντι δὲ προσφέρων δῶρα παντοδαπὰ καὶ πειρῶν καὶ δεόμενοσ πάντα τρόπον οὕτω παρώξυνεν ὥστε, δείλησ ἐλθόντα καὶ νυκτερεύσαντα, τῇ ὑστεραίᾳ περὶ τρίτην ὡρ́αν ἀπᾶραι. προελθὼν μέντοι μιᾶσ ἡμέρασ ὁδόν εὑρ͂εν ἐν Πεσσινοῦντι πλείονα τῶν ἐκεῖ δώρων αὖθισ αὐτὸν ὑπομένοντα, καὶ γράμματα τοῦ Γαλάτου δεομένου, λαβεῖν αὐτὸσ εἰ μὴ πρόθυμόσ ἐστιν, ἀλλὰ τοὺσ φίλουσ ἐᾶσαι, πάντωσ μὲν ἀξίουσ ὄντασ εὖ παθεῖν δι’ ἐκεῖνον οὐκ ὄντων δὲ τῶν ἰδίων τοῦ Κάτωνοσ τοσούτων.
ἀλλ’ οὐδὲ τούτοισ ἐνέδωκεν ὁ Κάτων, καίπερ ἐνίουσ τῶν φίλων μαλασσομένουσ καὶ ὑπομεμφομένουσ ὁρῶν, ἀλλὰ φήσασ ὅτι πᾶσα δωροδοκία προφάσεωσ ἂν εὐπορήσειεν, οἱ δὲ φίλοι μεθέξουσιν ὧν ἂν ἔχῃ καλῶσ καὶ δικαίωσ κτησάμενοσ, ἀπέπεμψε τὰ δῶρα πρὸσ τὸν Δηϊόταρον.
ἐπεὶ δὲ μέλλοντοσ ἀπαίρειν εἰσ τὸ Βρεντέσιον ᾤοντο δεῖν οἱ φίλοι τὰ λείψανα τοῦ Καιπίωνοσ εἰσ ἕτερον θέσθαι πλοῖον, εἰπὼν ὅτι τῆσ ψυχῆσ μεθήσεται μᾶλλον ἢ τούτων, ἀνήχθη.
καὶ μέντοι λέγεται κατὰ τύχην ἐπισφαλέστατα περᾶσαι, τῶν ἄλλων μετρίωσ κομιζομένων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기