헬라어 문장 검색 - Πλυταρ́Αρατυσ́53́

(플루타르코스, Aratus, chapter 53)

οὕτω δὲ αὐτοῦ τελευτήσαντοσ ἐν Αἰγίῳ τὸ ἑπτακαιδέκατον στρατηγοῦντοσ, καὶ τῶν Ἀχαιῶν φιλοτιμουμένων ἐκεῖ γενέσθαι ταφὰσ καὶ μνήματα πρέποντα τῷ βίῳ τὸν ἀνδρόσ, Σικυώνιοι συμφορὰν ἐποιοῦντο μὴ παρ’ αὐτοῖσ τεθῆναι τὸ σῶμα. καὶ τοὺσ μὲν Ἀχαιοὺσ ἔπεισαν ἐφιέναι, νόμου δὲ ὄντοσ ἀρχαίου μηδένα θάπτεσθαι τειχῶν ἐντόσ, ἰσχυρᾶσ τε τῷ νόμῳ δεισιδαιμονίασ προσούσησ, ἔπεμψαν εἰσ Δελφοὺσ ὑπὲρ τούτων ἐρησόμενοι τὴν Πυθίαν.

ἡ δὲ αὐτοῖσ ἀναιρεῖ τὸν χρησμὸν τόνδε· βουλεύῃ, Σικυών, ζωάγριον αἰὲν Ἀράτου, ἀμφ’ ὁσίῃ θαλίῃ τε κατοιχομένοιο ἄνακτοσ; ὡσ τὸ βαρυνόμενον τῷδ’ ἀνέρι καὶ τὸ βαρῦνον γαίησ ἔστ’ ἀσέβημα καὶ οὐρανοῦ ἠδὲ θαλάσσησ. κομισθείσησ δὲ τῆσ μαντείασ οἵ τε Ἀχαιοὶ σύμπαντεσ ἥσθησαν, καὶ διαφερόντωσ οἱ Σικυώνιοι μεταβαλόντεσ εἰσ ἑορτὴν τὸ πένθοσ εὐθὺσ ἐκ τοῦ Αἰγίου τὸν νεκρὸν ἐστεφανωμένοι καὶ λευχειμονοῦντεσ ὑπὸ παιάνων καὶ χορῶν εἰσ τὴν πόλιν ἀνῆγον, καὶ τόπον ἐξελόμενοι περίοπτον ὥσπερ οἰκιστὴν καὶ σωτῆρα τῆσ πόλεωσ ἐκήδευσαν.

καὶ καλεῖται μέχρι νῦν Ἀράτειον, καὶ θύουσιν αὐτῷ θυσίαν, τὴν μέν, ᾗ τὴν πόλιν ἀπήλλαξε τῆσ τυραννίδοσ ἡμέρᾳ πέμπτῃ Δαισίου μηνόσ, ὃν Ἀθηναῖοι καλοῦσιν Ἀνθεστηριῶνα, καὶ τὴν θυσίαν ἐκείνην Σωτήρια προσαγορεύουσι, τὴν δὲ τοῦ μηνὸσ ἐν ἡ γενέσθαι τὸν ἄνδρα διαμνημονεύουσι.

τῆσ μὲν οὖν προτέρασ ὁ τὸν Διὸσ τοῦ Σωτῆροσ κατήρχετο θυηπόλοσ, τῆσ δὲ δευτέρασ ὁ τὸν Ἀράτου, στρόφιον οὐχ ὁλόλευκον, ἀλλὰ μεσοπόρφυρον ἔχων, μέλη δὲ ᾔδετο πρὸσ κιθάραν ὑπὸ τῶν περὶ τὸν Διόνυσον τεχνιτῶν, καὶ συνεπόμπευεν ὁ γυμνασίαρχοσ ἡγούμενοσ τῶν τε παίδων καὶ τῶν ἐφήβων, εἶτα ἐφείπετο ἡ βουλὴ στεφανηφοροῦσα καὶ τῶν ἄλλων πολιτῶν ὁ βουλόμενοσ. ὧν ἔτι δείγματα μικρὰ ταῖσ ἡμέραισ ἐκείναισ ἐξοσιούμενοι διαφυλάττουσιν αἱ δὲ πλεῖσται τῶν τιμῶν ὑπὸ χρόνου καὶ πραγμάτων ἄλλων ἐκλελοίπασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aratus, chapter 53

(플루타르코스, Aratus, chapter 53)

상위

목록

SEARCH

MENU NAVIGATION