호흡부호 보기
강세부호 보기
장단부호 보기
작은 Iota 보기
모든 부호 보기
ἐν τούτῳ δὲ τῆσ ἀρχῆσ ὁ Λύσανδροσ ἀπηλλάγη τὸν χρόνου διελθόντοσ. οἱ δὲ κατασταθέντεσ ἔφοροι τὸν μὲν Λεωνίδαν ἀνέστησαν ἱκετεύοντα, τῷ δὲ Λυσάνδρῳ καὶ τῷ Μανδροκλείδᾳ δίκην ἐπῆγον ὡσ παρὰ τὸν νόμον χρεῶν ἀποκοπὰσ καὶ γῆν ἀναδάσασθαι ψηφισαμένοισ. κινδυνεύοντεσ οὖν ἐκεῖνοι πείθουσι τοὺσ βασιλεῖσ ὁμοῦ γενομένουσ χαίρειν ἐᾶν τὰ τῶν ἐφόρων βουλεύματα·
τοῦτο γὰρ τὸ ἀρχεῖον ἰσχύειν ἐκ διαφορᾶσ τῶν βασιλέων, τῷ τὰ βελτίονα λέγοντι προστιθέμενον τὴν ψῆφον, ὅταν ἅτεροσ ἐρίζῃ πρὸσ τὸ συμφέρον· ἀμφοῖν δὲ ταὐτὰ βουλευομένων ἄλυτον εἶναι τὴν ἐξουσίαν, καὶ παρανόμωσ μαχεῖσθαι πρὸσ τοὺσ βασιλεῖσ, ὧν μαχομένων διαιτᾶν καὶ βραβεύειν αὐτοῖσ εἶναι προσῆκον, οὐχὶ πολυπραγμονεῖν ὁμοφρονούντων. οὕτω δὴ πεισθέντεσ ἀμφότεροι καὶ μετὰ τῶν φίλων εἷσ ἀγορὰν καταβάντεσ ἀνέστησαν μὲν ἐκ τῶν δίφρων τοὺσ ἐφόρουσ, ἄλλουσ δ’ ἀντ’ αὐτῶν ἀπέδειξαν, ὧν εἷσ ἦν Ἀγησίλαοσ, ὁπλίσαντεσ δὲ τῶν νέων πολλοὺσ καὶ λύσαντεσ τοὺσ δεδεμένουσ ἐγένοντο φοβεροὶ τοῖσ ὑπεναντίοισ ὡσ πολλοὺσ ἀποκτενοῦντεσ.
ἀπέθανε δὲ οὐδεὶσ ὑπ’ αὐτῶν, ἀλλὰ καὶ Λεωνίδαν εἷσ Τεγέαν ὑπεξιόντα βουληθέντοσ διαφθεῖραι τοῦ Ἀγησιλάου, καὶ πέμψαντοσ ἐπ’ αὐτὸν εἷσ τὴν ὁδὸν ἄνδρασ, πυθόμενοσ ὁ Ἆγισ ἑτέρουσ ἀπέστειλε πιστούσ, οἳ τὸν Λεωνίδαν περισχόντεσ ἀσφαλῶσ εἷσ Τεγέαν κατέστησαν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기