헬라어 문장 검색 - Πλυταρ́Αεμιλιύ38́

(플루타르코스, Aemilius Paulus, chapter 38)

ταῖσ δὲ Μακεδονικαῖσ πράξεσι τοῦ Αἰμιλίου δημοτικωτάτην προσγράφουσι χάριν ὑπὲρ τῶν πολλῶν, ὡσ τοσούτων εἰσ τὸ δημόσιον τότε χρημάτων ὑπ’ αὐτοῦ τεθέντων ὥστε μηκέτι δεῆσαι τὸν δῆμον εἰσενεγκεῖν ἄχρι τῶν Ἱρτίου καὶ Πάνσα χρόνων, οἳ περὶ τὸν πρῶτον Ἀντωνίου καὶ Καίσαροσ πόλεμον ὑπάτευσαν. κἀκεῖνο δ’ ἴδιον καὶ περιττὸν τοῦ Αἰμιλίου, τὸ σπουδαζόμενον ὑπὸ τοῦ δήμου καὶ τιμώμενον διαφερόντωσ ἐπὶ τῆσ ἀριστοκρατικῆσ μεῖναι προαιρέσεωσ, καὶ μηδὲν εἰπεῖν μηδὲ πρᾶξαι χάριτι τῶν πολλῶν, ἀλλὰ τοῖσ πρώτοισ καὶ κρατίστοισ ἀεὶ συνεξετάζεσθαι περὶ τὴν πολιτείαν.

ὃ καὶ χρόνοισ ὕστερον Ἄππιοσ ὠνείδισεν Ἀφρικανῷ Σκηπίωνι. μέγιστοι γὰρ ὄντεσ ἐν τῇ πόλει τότε τὴν τιμητικὴν ἀρχὴν μετῄεσαν, ὁ μὲν τὴν βουλὴν ἔχων καὶ τοὺσ ἀρίστουσ περὶ αὑτόν·

αὕτη γὰρ Ἀππίοισ ἡ πολιτεία πάτριοσ· ὁ δὲ μέγασ μὲν ὢν ἐφ’ ἑαυτοῦ, μεγάλῃ δ’ ἀεὶ τῇ παρὰ τοῦ δήμου χάριτι καὶ σπουδῇ κεχρημένοσ, ὡσ οὖν ἐμβάλλοντοσ εἰσ ἀγορὰν τοῦ Σκηπίωνοσ κατεῖδε παρὰ πλευρὰν ὁ Ἄππιοσ ἀνθρώπουσ ἀγεννεῖσ καὶ δεδουλευκότασ, ἀγοραίουσ δὲ καὶ δυναμένουσ ὄχλον συναγαγεῖν καὶ σπουδαρχίᾳ καὶ κραυγῇ πάντα πράγματα βιάσασθαι, μέγα βοήσασ· "Αἰμίλιε, στέναξον ὑπὸ γῆσ αἰσθόμενοσ ὅτι σου τὸν υἱὸν Αἰμίλιοσ ὁ κῆρυξ καὶ Λικίννιοσ Φιλόνεικοσ ἐπὶ τιμητείαν κατάγουσιν.

ἀλλὰ Σκηπίων μὲν αὔξων τὰ πλεῖστα τὸν δῆμον εὔνουν εἶχεν, Αἰμίλιοσ δέ, καίπερ ὢν ἀριστοκρατικὸσ, οὐδὲν ἧττον ὑπὸ τῶν πολλῶν ἠγαπᾶτο τοῦ μάλιστα δημαγωγεῖν καὶ πρόσ χάριν ὁμιλεῖν τοῖσ πολλοῖσ δοκοῦντοσ. ἐδήλωσαν δὲ μετὰ τῶν ἄλλων καλῶν καὶ τιμητείασ αὐτὸν ἀξιώσαντεσ, ἥτισ ἐστὶν ἀρχὴ πασῶν ἱερωτάτη καὶ δυναμένη μέγα πρόσ τε τἆλλα καὶ πρόσ ἐξέτασιν βίων.

ἐκβαλεῖν τε γὰρ ἔξεστι συγκλήτου τὸν ἀπρεπῶσ ζῶντα τοῖσ τιμηταῖσ, καὶ προγράψαι τὸν ἄριστον, ἵππου τ’ ἀφαιρέσει τῶν νέων ἀτιμάσαι τὸν ἀκολασταίνοντα. καὶ τῶν οὐσιῶν οὗτοι τὰ τιμήματα καὶ τὰσ ἀπογραφὰσ ἐπισκοποῦσιν. ἀπεγράψαντο μὲν οὖν κατ’ αὐτὸν μυριάδεσ ἀνθρώπων τριάκοντα τρεῖσ, ἔτι δ’ ἑπτακισχίλιοι τετρακόσιοι πεντήκοντα δύο, τῆσ δὲ βουλῆσ προέγραψε μὲν Μᾶρκον Αἰμίλιον Λέπιδον, ἤδη τετράκισ καρπούμενον ταύτην τὴν προεδρίαν, ἐξέβαλε δὲ τρεῖσ συγκλητικοὺσ οὐ τῶν ἐπιφανῶν, καὶ περὶ τὴν τῶν ἱππέων ἐξέτασιν ὁμοίωσ ἐμετρίασεν αὐτόσ τε καὶ Μάρκιοσ Φίλιπποσ ὁ συνάρχων αὐτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Plutarch, Aemilius Paulus, chapter 38

(플루타르코스, Aemilius Paulus, chapter 38)

상위

목록

SEARCH

MENU NAVIGATION