Plutarch, Aemilius Paulus, chapter 37

(플루타르코스, Aemilius Paulus, chapter 37)

οὕτω μὲν εὐγενεῖσ καὶ μεγάλουσ λόγουσ τὸν Αἰμίλιον ἐξ ἀπλάστου καὶ ἀληθινοῦ φρονήματοσ ἐν τῷ δήμῳ διαλεχθῆναι λέγουσι. τῷ δὲ Περσεῖ, καίπερ οἰκτείρασ τὴν μεταβολὴν καὶ μάλα βοηθῆσαι προθυμηθείσ, οὐδὲν εὑρ́ετο πλὴν μεταστάσεωσ ἐκ τοῦ καλουμένου κάρκερε παρ’ αὐτοῖσ εἰσ τόπον καθαρὸν καὶ φιλανθρωποτέραν δίαιταν, ὅπου φρουρούμενοσ, ὡσ μὲν οἱ πλεῖστοι γεγράφασιν, ἀπεκαρτέρησεν, ἔνιοι δὲ τῆσ τελευτῆσ ἴδιόν τινα καὶ παρηλλαγμένον τρόπον ἱστοροῦσι. μεμψαμένουσ γάρ τι καὶ θυμωθέντασ αὐτῷ τοὺσ περὶ τὸ σῶμα στρατιώτασ, ὡσ ἕτερον οὐδὲν ἠδύναντο λυπεῖν καὶ κακοῦν αὐτόν, ἐξείργειν τῶν ὕπνων, καὶ προσέχοντασ ἀκριβῶσ ἐνίστασθαι ταῖσ καταφοραῖσ καὶ συνέχειν ἐγρηγορότα πάσῃ μηχανῇ, μέχρι οὗ τοῦτον τὸν τρόπον ἐκπονηθεὶσ ἐτελεύτησεν.

ἐτελεύτησε δὲ καὶ τῶν παιδίων τὰ δύο.

τὸν δὲ τρίτον, Ἀλέξανδρον, εὐφυᾶ μὲν ἐν τῷ τορεύειν καὶ λεπτουργεῖν γενέσθαι φασίν, ἐκμαθόντα δὲ τὰ Ῥωμαϊκὰ γράμματα καὶ τὴν διάλεκτον ὑπογραμματεύειν τοῖσ ἄρχουσιν, ἐπιδέξιον καὶ χαρίεντα περὶ ταύτην τὴν ὑπηρεσίαν ἐξεταζόμενον.

일치하는 문장이 없습니다.

SEARCH

MENU NAVIGATION