호흡부호 보기
강세부호 보기
장단부호 보기
작은 Iota 보기
모든 부호 보기
οὐ μὴν ἀλλὰ τοῦτον μὲν ἀναστήσασ καὶ δεξιωσάμενοσ Τουβέρωνι παρέδωκεν, αὐτὸσ δὲ τοὺσ παῖδασ καὶ τοὺσ γαμβροὺσ καὶ τῶν ἄλλων ἡγεμονικῶν μάλιστα τοὺσ νεωτέρουσ ἔσω τῆσ σκηνῆσ ἐπισπασάμενοσ πολὺν χρόνον ἦν πρὸσ αὑτῷ σιωπῇ καθήμενοσ, ὥστε θαυμάζειν ἅπαντασ. "ἄξιον εὐπραγίασ παρούσησ ἄνθρωπον ὄντα θρασύνεσθαι καὶ μέγα φρονεῖν ἔθνοσ ἢ πόλιν ἢ βασιλείαν καταστρεψάμενον, ἢ τὴν μεταβολὴν ταύτην τῆσ τύχησ, ἡ παράδειγμα τῷ πολεμοῦντι κοινῆσ ἀσθενείασ προθεῖσα παιδεύει μηδὲν ὡσ μόνιμον καὶ βέβαιον διανοεῖσθαι; "ποῖοσ γὰρ ἀνθρώποισ τοῦ θαρρεῖν καιρόσ, ὅταν τὸ κρατεῖν ἑτέρων μάλιστα δεδοικέναι τὴν τύχην ἀναγκάζῃ, καὶ τῷ χαίροντι δυσθυμίαν ἐπάγῃ τοσαύτην ὁ τῆσ περιφερομένησ καὶ προσισταμένησ ἄλλοτ’ ἄλλοισ εἱμαρμένησ λογισμόσ; "ἢ τὴν Ἀλεξάνδρου διαδοχήν, ὃσ ἐπὶ πλεῖστον ἤρθη δυνάμεωσ καὶ μέγιστον ἔσχε κράτοσ, ὡρ́ασ μιᾶσ μορίῳ πεσοῦσαν ὑπὸ πόδασ θέμενοι, καὶ τοὺσ ἄρτι μυριάσι πεζῶν καὶ χιλιάσιν ἱππέων τοσαύταισ ὁπλοφορουμένουσ βασιλεῖσ ὁρῶντεσ ἐκ τῶν πολεμίων χειρῶν ἐφήμερα σιτία καὶ ποτὰ λαμβάνοντασ, οἰέσθε τὰ καθ’ ἡμᾶσ ἔχειν τινὰ βεβαιότητα τύχησ διαρκῆ πρὸσ τὸν χρόνον; "οὐ καταβαλόντεσ ὑμεῖσ οἱ νέοι τὸ κενὸν φρύαγμα τοῦτο καὶ γαυρίαμα τῆσ νίκησ ταπεινοὶ καταπτήξετε πρὸσ τὸ μέλλον, ἀεὶ καραδοκοῦντεσ εἰσ ὅ τι κατασκήψει τέλοσ ἑκάστῳ τὴν τῆσ παρούσησ εὐπραγίασ ὁ δαίμων νέμεσιν; τοιαῦτά φασι πολλὰ διαλεχθέντα τὸν Αἰμίλιον ἀποπέμψαι τοὺσ νέουσ εὖ μάλα τὸ καύχημα καὶ τὴν ὕβριν, ὥσπερ χαλινῷ, τῷ λόγῳ κόπτοντι κεκολασμένουσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기