호흡부호 보기
강세부호 보기
장단부호 보기
작은 Iota 보기
모든 부호 보기
"ὅτι δ’ οὐ νομοθέταισ ἀλλὰ νόμοισ ἐπολέμουν, ἔξεστιν ἀκούειν Ἐπικούρου· "ἐρωτᾷ γὰρ αὑτὸν ἐν ταῖσ Διαπορίαισ εἰ πράξει τινὰ ὁ σοφόσ, ὧν οἱ νόμοι ἀπαγορεύουσιν, εἰδὼσ ὅτι λήσει· "καὶ ἀποκρίνεται οὐκ εὐόδον τὸ ἁπλοῦν ἐστι κατηγόρημα, τουτέστι πράξω μὲν οὐ βούλομαι δ’ ὁμολογεῖν. πάλιν δέ, οἶμαι, γράφων πρὸσ Ἰδομενέα διακελεύεται μὴ νόμοισ καὶ δόξαισ δουλεύοντα ζῆν, ἐφ’ ὅσον ἂν μὴ τὴν διὰ τοῦ πέλασ ἐκ πληγῆσ ὄχλησιν παρασκευάζωσιν εἴπερ οὖν οἱ νόμουσ καὶ πολιτείασ ἀναιροῦντεσ τὸν βίον ἀναιροῦσι τὸν ἀνθρώπινον, Ἐπίκουροσ δὲ καὶ Μητρόδωροσ τοῦτο ποιοῦσι, τοὺσ μὲν συνήθεισ ἀποτρέποντεσ τοῦ τὰ κοινὰ πράττειν τοῖσ δὲ πράττουσιν ἀπεχθανόμενοι τοὺσ δὲ πρώτουσ καὶ σοφωτάτουσ τῶν νομοθετῶν κακῶσ λέγοντεσ τῶν δὲ νόμων παρακελευόμενοι περιφρονεῖν, ἐὰν μὴ προσῇ φόβοσ πληγῆσ καὶ κολάσεωσ· "οὐκ οἶδα τί τηλικοῦτο κατέψευσται τῶν ἄλλων ὁ Κωλώτησ, ἡλίκον ἀληθῶσ τῶν Ἐπικούρου λόγων καὶ δογμάτων κατηγόρηκεν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기