Plato, Epistles, Letter 3 4:

ἐγὼ δὲ οὐδὲ ἀνθρώπῳ κλήσει, μήτι δὴ θεῷ, παρακελευσαίμην ἂν δρᾶν τοῦτο, θεῷ μέν, ὅτι παρὰ φύσιν προστάττοιμ’ ἄν, πόρρω γὰρ ἡδονῆσ ἵδρυται καὶ λύπησ τὸ θεῖον, ἀνθρώπῳ δέ, ὅτι τὰ πολλὰ βλάβην ἡδονὴ καὶ λύπη γεννᾷ, δυσμάθειαν καὶ λήθην καὶ ἀφροσύνην καὶ ὕβριν τίκτουσα ἐν τῇ ψυχῇ. καὶ ταῦτα μὲν οὕτωσ εἰρήσθω παρ’ ἐμοῦ περὶ τῆσ προσρήσεωσ· σὺ δ’ ἀναγνοὺσ αὐτά, ὅπῃ βούλει δέξασθαι, ταύτῃ δέχου.