호흡부호 보기
강세부호 보기
장단부호 보기
작은 Iota 보기
모든 부호 보기
Καφισίων ὑδάτων λαχοῖσαι, αἵτε ναίετε καλλίπωλον ἕδραν, ὦ λιπαρᾶσ ἀοίδιμοι βασίλειαι Χάριτεσ Ὀρχομενοῦ, παλαιγόνων Μινυᾶν ἐπίσκοποι, κλῦτ’, ἐπεὶ εὔχομαι. σὺν γὰρ ὔμμιν τὰ τερπνὰ καὶ τὰ γλυκέ’ ἄνεται πάντα βροτοῖσ, εἰ σοφόσ, εἰ καλόσ, εἴ τισ ἀγλαὸσ ἀνήρ. οὐδὲ γὰρ θεοὶ σεμνᾶν Χαρίτων ἄτερ κοιρανέοισιν χοροὺσ οὔτε δαῖτασ· ἀλλὰ πάντων ταμίαι ἔργων ἐν οὐρανῷ, χρυσότοξον θέμεναι παρὰ Πύθιον Ἀπόλλωνα θρόνουσ, ἀέναον σέβοντι πατρὸσ Ὀλυμπίοιο τιμάν.
<ὦ> πότνι’ Ἀγλαί̈α φιλησίμολπέ τ’ Εὐφροσύνα, θεῶν κρατίστου παῖδεσ, ἐπακοοῖτε νῦν, Θαλία τε ἐρασίμολπε, ἰδοῖσα τόνδε κῶμον ἐπ’ εὐμενεῖ τύχᾳ κοῦφα βιβῶντα·
Λυδῷ γὰρ Ἀσώπιχον τρόπῳ ἔν τε μελέταισ ἀείδων ἔμολον, οὕνεκ’ Ὀλυμπιόνικοσ ἁ Μινυεία σεῦ ἕκατι.
Φερσεφόνασ ἔλθ’, Ἀχοῖ, πατρὶ κλυτὰν φέροισ’ ἀγγελίαν, Κλεόδαμον ὄφρ’ ἰδοῖσ’, υἱὸν εἴπῃσ ὅτι οἱ νέαν κόλποισ παρ’ εὐδόξοισ Πίσασ ἐστεφάνωσε κυδίμων ἀέθλων πτεροῖσι χαίταν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기