호흡부호 보기
강세부호 보기
장단부호 보기
작은 Iota 보기
모든 부호 보기
ἐκ δὲ τοῦ γυμνασίου πρὸσ τὰ λουτρὰ ἐρχομένῳ δι’ ἀγυιᾶσ τε ἡ ὁδὸσ Σιωπῆσ καὶ παρὰ τὸ ἱερὸν τῆσ Φιλομείρακόσ ἐστιν Ἀρτέμιδοσ. τῇ μὲν δὴ θεῷ γέγονεν ἡ ἐπίκλησισ ἅτε τοῦ γυμνασίου γείτονι· τῇ ἀγυιᾷ δὲ Σιωπῇ ὄνομα ἐπὶ λόγῳ τοιῷδε τεθῆναι λέγουσιν. ἄνδρεσ τοῦ Ὀξύλου στρατεύματοσ ἐπὶ κατασκοπῇ τῶν ἐν Ἤλιδι ἀποπεμφθέντεσ καὶ ἀλλήλοισ διακελευσάμενοι κατὰ τὴν ὁδόν, ἐπειδὰν πλησίον γίνωνται τοῦ τείχουσ, φθέγγεσθαι μὲν μηδὲν ἔτι αὐτοί, ἐπακροᾶσθαι δὲ εἴ τι παρὰ τῶν ἐντὸσ πυθέσθαι δυνήσονται, οὗτοι λανθάνουσι παρελθόντεσ ἐσ τὴν πόλιν κατὰ τὴν ἀγυιὰν ταύτην καὶ ἐπακούσαντεσ ὁπόσα ἐβούλοντο ἐπανίασιν αὖθισ ἐσ τοὺσ Αἰτωλούσ· καὶ ἡ ἀγυιὰ τὸ ὄνομα εἴληφεν ἀπὸ τῶν κατασκόπων τῆσ σιωπῆσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기