호흡부호 보기
강세부호 보기
장단부호 보기
작은 Iota 보기
모든 부호 보기
τὰ μὲν δὴ ἐσ τούτουσ εἶχεν οὕτω· τὰ δὲ ἐσ Εὔθυμον τὸν πύκτην, οὔ με εἰκὸσ ὑπερβαίνειν ἦν τὰ ἐσ τὰσ νίκασ αὐτῷ καὶ τὰ ἐσ δόξαν ὑπάρχοντα τὴν ἄλλην. γένοσ μὲν δὴ ἦν ὁ Εὔθυμοσ ἐκ τῶν ἐν Ἰταλίᾳ Λοκρῶν, οἳ χώραν τὴν πρὸσ τῷ Ζεφυρίῳ τῇ ἄκρᾳ νέμονται, πατρὸσ δὲ ἐκαλεῖτο Ἀστυκλέουσ· εἶναι δὲ αὐτὸν οὐ τούτου, ποταμοῦ δὲ οἱ ἐπιχώριοι τοῦ Καικίνου φασίν, ὃσ τὴν Λοκρίδα καὶ Ῥηγίνην ὁρίζων τὸ ἐσ τοὺσ τέττιγασ παρέχεται θαῦμα. οἱ μὲν γὰρ τέττιγεσ οἱ ἐντὸσ τῆσ Λοκρίδοσ ἄχρι τοῦ Καικίνου κατὰ τὰ αὐτὰ τοῖσ ἄλλοισ τέττιξιν ᾄδουσι· διαβάντων δὲ τὸν Καικίνην οὐδεμίαν ἔτι οἱ ἐν τῇ Ῥηγίνῃ τέττιγεσ ἀφιᾶσι τὴν φωνήν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기