Lucian, Tyrannicida, (no name) 16:

(루키아노스, Tyrannicida, (no name) 16:)

ἀλλ’ εἰ καὶ φόνον ζητεῖσ, οὐδὲ τοῦτο ἐνδεῖ, οὐδὲ ἀναίμακτόσ εἰμι, ἀλλ’ εἴργασμαι μεγάλην καὶ γενναίαν σφαγὴν νεανίσκου ἀκμάζοντοσ καὶ πᾶσι φοβεροῦ, δι’ ὃν ἀνεπιβούλευτοσ κἀκεῖνοσ ἦν, ᾧ μόνῳ ἐθάρρει, ὃσ ἀντὶ πολλῶν ἤρκει, δορυφόρων. ἆρ’ οὖν οὐκ ἄξιοσ, ὦ οὗτοσ, δωρεᾶσ, ἀλλὰ ἄτιμοσ ἐπὶ τηλικούτοισ γένωμαι ; τί γάρ, εἰ δορυφόρον ἕνα, τί δ’ εἰ ὑπηρέτην τινὰ τοῦ τυράννου ἀπέκτεινα, τί δ’ εἰ οἰκέτην τίμιον, οὐ μέγα ἂν ἔδοξεν καὶ τοῦτο, ἀνελθόντα ἐν μέσῃ τῇ ἀκροπόλει, ἐν μέσοισ τοῖσ ὅπλοισ φόνον τινὸσ ἐργάσασθαι τῶν τοῦ τυράννου φίλων ; νῦν δὲ καὶ τὸν πεφονευμένον αὐτὸν ἰδέ. υἱὸσ ἦν τυράννου, μᾶλλον δὲ τύραννοσ χαλεπώτεροσ καὶ δεσπότησ ἀπαραίτητοσ καὶ κολαστὴσ ὠμότεροσ καὶ ὑβριστὴσ βιαιότεροσ, τὸ δὲ μέγιστον, κληρονόμοσ τῶν ὅλων καὶ διάδοχοσ καὶ ἐπὶ πολὺ παρατεῖναι τὰ τῆσ ἡμετέρασ συμφορᾶσ δυνάμενοσ.

상위

Lucian (루키아노스)

목록

일치하는 문장이 없습니다.

SEARCH

MENU NAVIGATION