호흡부호 보기
강세부호 보기
장단부호 보기
작은 Iota 보기
모든 부호 보기
εἶτα ἐν τοιούτοισ ὄντι σοι ὀνομάτων μέλει καὶ γελᾷσ καὶ τῶν ἄλλων καταπτύεισ, εἰκότωσ· οὐ γὰρ ἂν ἅπαντεσ ὅμοιά σοι λέγειν δυναίμεθα. πόθεν ; τίσ οὕτωσ ἐν λόγοισ μεγαλότολμοσ, ὡσ ἐπὶ μὲν τοὺσ τρεῖσ μοιχοὺσ ἀντὶ ξίφουσ τρίαιναν αἰτεῖν ; τὸν δὲ Θεόπομπον ἐπὶ τῷ Τρικαράνῳ κρίνοντα φάναι τριγλώχινι λόγῳ καθῃρηκέναι αὐτὸν τὰσ προὐχούσασ πόλεισ ; καὶ πάλιν, ἐκτριαινῶσαι αὐτὸν τὴν Ἑλλάδα καὶ εἶναι Κέρβερον ἐν τοῖσ λόγοισ ; πρῴην γὰρ καὶ λύχνον ἅψασ ἐζήτεισ ἀδελφόν τινα, οἶμαι, ἀπολωλότα· καὶ ἄλλα μυρία, ὧν οὐδὲ μεμνῆσθαι ἄξιον, ἢ μόνου ἐκείνου, ὅπερ οἱ ἀκούσαντεσ ἀπεμνημόνευον. πλούσιόσ τισ, οἶμαι, καὶ δύο πένητεσ ἦσαν ἐχθροί· "θάτερον τῶν πενήτων. "ἀλλὰ ἅτερον αὐτῶν ἀπέκτεινεν. ἐῶ τὰ ἀρχαῖα, τὸ τριῶν μηνοῖν καὶ τὸ ἀνηνεμία καὶ τὸ πέταμαι καὶ ἐκχύνειν καὶ ὅσα ἄλλα καλὰ τοῖσ σοῖσ λόγοισ ἐπανθεῖ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기