호흡부호 보기
강세부호 보기
장단부호 보기
작은 Iota 보기
모든 부호 보기
Λῦσόν με, ὦ Ζεῦ· δεινὰ γὰρ ἤδη πέπονθα. Λύσω σε, φήσ, ὃν ἐχρῆν βαρυτέρασ πέδασ ἔχοντα καὶ τὸν Καύκασον ὅλον ὑπὲρ κεφαλῆσ ἐπικείμενον ὑπὸ ἑκκαίδεκα γυπῶν μὴ μόνον κείρεσθαι τὸ ἧπαρ, ἀλλὰ καὶ τοὺσ ὀφθαλμοὺσ ἐξορύττεσθαι, ἀνθ̓ ὧν τοιαῦθ̓ ἡμῖν ζῷα τοὺσ ἀνθρώπουσ ἔπλασασ καὶ τὸ πῦρ ἔκλεψασ καὶ γυναῖκασ ἐδημιούργησασ; ἃ μὲν γὰρ ἐμὲ ἐξηπάτησασ ἐν τῇ νομῇ τῶν κρεῶν ὀστᾶ πιμελῇ κεκαλυμμένα παραθεὶσ καὶ τὴν ἀμείνω τῶν μοιρῶν σεαυτῷ φυλάττων, τί χρὴ λέγειν; Οὔκουν ἱκανὴν ἤδη τὴν δίκην ἐκτέτικα τοσοῦτον χρόνον τῷ Καυκάσῳ προσηλωμένοσ τὸν κάκιστα ὀρνέων ἀπολούμενον αἰετὸν τρέφων τῷ ἥπατι; Οὐδὲ πολλοστημόριον τοῦτο ὧν σε δεῖ παθεῖν.
Καὶ μὴν οὐκ ἀμισθί με λύσεισ, ἀλλά σοι μηνύσω τι, ὦ Ζεῦ, πάνυ ἀναγκαῖον. Κατασοφίζῃ με, ὦ Προμηθεῦ.
Καὶ τί πλέον ἕξω; οὐ γὰρ ἀγνοήσεισ αὖθισ ἔνθα ὁ Καύκασόσ ἐστιν, οὐδὲ ἀπορήσεισ δεσμῶν, ἤν τι τεχνάζων ἁλίσκωμαι. Εἰπὲ πρότερον, ὅντινα μισθὸν ἀποτίσεισ αναγκαῖον ἡμῖν ὄντα. Ἢν εἴπω ἐφ̓ ὅ τι βαδίζεισ νῦν, ἀξιόπιστοσ ἔσομαί σοι καὶ περὶ τῶν ὑπολοίπων μαντευόμενοσ; ΖΕΥΣ Πῶσ γὰρ οὔ; Παρὰ τὴν Θέτιν, συνεσόμενοσ αὐτῇ. Τουτὶ μὲν ἔγνωσ· τί δ̓ οὖν τὸ ἐπὶ τούτῳ; δοκεῖσ γὰρ ἀληθέσ τι ἐρεῖν. Μηδέν, ὦ Ζεῦ, κοινωνήσῃσ τῇ Νηρηΐδι· ἢν γὰρ αὕτη κυοφορήσῃ ἐκ σοῦ, τὸ τεχθὲν ἴσα ἐργάσεταί σε οἱᾶ καὶ σὺ ἔδρασασ ‐ Τοῦτο φήσ, ἐκπεσεῖσθαί με τῆσ ἀρχῆσ; Μὴ γένοιτο, ὦ Ζεῦ. πλὴν τοιοῦτό γε ἡ μῖξισ αὐτῆσ ἀπειλεῖ. Χαιρέτω τοιγαροῦν ἡ Θέτισ· σὲ δὲ ὁ Ἥφαιστοσ ἐπὶ τούτοισ λυσάτω.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기