Homer, Odyssey, Book 3 38:

αὐτὰρ ἐπεὶ σπεῖσάν τ’ ἔπιον θ’, ὅσον ἤθελε θυμόσ, οἱ μὲν κακκείοντεσ ἔβαν οἶκόνδε ἕκαστοσ, τὸν δ’ αὐτοῦ κοίμησε Γερήνιοσ ἱππότα Νέστωρ, Τηλέμαχον, φίλον υἱὸν Ὀδυσσῆοσ θείοιο, τρητοῖσ ἐν λεχέεσσιν ὑπ’ αἰθούσῃ ἐριδούπῳ, πὰρ’ δ’ ἄρ’ ἐυμμελίην Πεισίστρατον, ὄρχαμον ἀνδρῶν, ὅσ οἱ ἔτ’ ἠίθεοσ παίδων ἦν ἐν μεγάροισιν· αὐτὸσ δ’ αὖτε καθεῦδε μυχῷ δόμου ὑψηλοῖο, τῷ δ’ ἄλοχοσ δέσποινα λέχοσ πόρσυνε καὶ εὐνήν.