호흡부호 보기
강세부호 보기
장단부호 보기
작은 Iota 보기
모든 부호 보기
Νέστορι δὲ ξύμβληντο διοτρεφέεσ βασιλῆεσ πὰρ νηῶν ἀνιόντεσ ὅσοι βεβλήατο χαλκῷ Τυδεί̈δησ Ὀδυσεύσ τε καὶ Ἀτρεί̈δησ Ἀγαμέμνων. πολλὸν γάρ ῥ’ ἀπάνευθε μάχησ εἰρύατο νῆεσ θῖν’ ἔφ’ ἁλὸσ πολιῆσ· τὰσ γὰρ πρώτασ πεδίον δὲ εἴρυσαν, αὐτὰρ τεῖχοσ ἐπὶ πρύμνῃσιν ἔδειμαν. οὐδὲ γὰρ οὐδ’ εὐρύσ περ ἐὼν ἐδυνήσατο πάσασ αἰγιαλὸσ νῆασ χαδέειν, στείνοντο δὲ λαοί· τώ ῥα προκρόσσασ ἔρυσαν, καὶ πλῆσαν ἁπάσησ ἠϊόνοσ στόμα μακρόν, ὅσον συνεέργαθον ἄκραι. τώ ῥ’ οἵ γ’ ὀψείοντεσ ἀϋτῆσ καὶ πολέμοιο ἔγχει ἐρειδόμενοι κίον ἀθρόοι· ἄχνυτο δέ σφι θυμὸσ ἐνὶ στήθεσσιν. ὃ δὲ ξύμβλητο γεραιὸσ Νέστωρ, πτῆξε δὲ θυμὸν ἐνὶ στήθεσσιν Ἀχαιῶν. τὸν καὶ φωνήσασ προσέφη κρείων Ἀγαμέμνων· ὦ Νέστορ Νηληϊάδη μέγα κῦδοσ Ἀχαιῶν τίπτε λιπὼν πόλεμον φθισήνορα δεῦρ’ ἀφικάνεισ; δείδω μὴ δή μοι τελέσῃ ἔποσ ὄβριμοσ Ἕκτωρ, ὥσ ποτ’ ἐπηπείλησεν ἐνὶ Τρώεσσ’ ἀγορεύων μὴ πρὶν πὰρ νηῶν προτὶ Ἴλιον ἀπονέεσθαι πρὶν πυρὶ νῆασ ἐνιπρῆσαι, κτεῖναι δὲ καὶ αὐτούσ. κεῖνοσ τὼσ ἀγόρευε· τὰ δὴ νῦν πάντα τελεῖται. ὢ πόποι ἦ ῥα καὶ ἄλλοι ἐϋκνήμιδεσ Ἀχαιοὶ ἐν θυμῷ βάλλονται ἐμοὶ χόλον ὥσ περ Ἀχιλλεὺσ οὐδ’ ἐθέλουσι μάχεσθαι ἐπὶ πρυμνῇσι νέεσσι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기