Homer, Iliad, Book 13 9:

(호메로스, 일리아스, Book 13 9:)

ἦ καὶ σκηπανίῳ γαιήοχοσ ἐννοσίγαιοσ ἀμφοτέρω κεκοπὼσ πλῆσεν μένεοσ κρατεροῖο, γυῖα δ’ ἔθηκεν ἐλαφρὰ πόδασ καὶ χεῖρασ ὕπερθεν. αὐτὸσ δ’ ὥσ τ’ ἴρηξ ὠκύπτεροσ ὦρτο πέτεσθαι, ὅσ ῥά τ’ ἀπ’ αἰγίλιποσ πέτρησ περιμήκεοσ ἀρθεὶσ ὁρμήσῃ πεδίοιο διώκειν ὄρνεον ἄλλο, ὣσ ἀπὸ τῶν ἠί̈ξε Ποσειδάων ἐνοσίχθων. τοῖιν δ’ ἔγνω πρόσθεν Οἰ̈λῆοσ ταχὺσ Αἰάσ, αἶψα δ’ ἄρ’ Αἰάντα προσέφη Τελαμώνιον υἱόν· Αἰᾶν ἐπεί τισ νῶϊ θεῶν οἳ Ὄλυμπον ἔχουσι μάντεϊ εἰδόμενοσ κέλεται παρὰ νηυσὶ μάχεσθαι, οὐδ’ ὅ γε Κάλχασ ἐστὶ θεοπρόποσ οἰωνιστήσ· ἴχνια γὰρ μετόπισθε ποδῶν ἠδὲ κνημάων ῥεῖ’ ἔγνων ἀπιόντοσ· ἀρίγνωτοι δὲ θεοί περ· καὶ δ’ ἐμοὶ αὐτῷ θυμὸσ ἐνὶ στήθεσσι φίλοισι μᾶλλον ἐφορμᾶται πολεμίζειν ἠδὲ μάχεσθαι, μαιμώωσι δ’ ἔνερθε πόδεσ καὶ χεῖρεσ ὕπερθε.

일치하는 문장이 없습니다.

SEARCH

MENU NAVIGATION