Homer, Iliad, Book 2 82:

(호메로스, 일리아스, Book 2 82:)

Τρωσὶν δ’ ἄγγελοσ ἦλθε ποδήνεμοσ ὠκέα Ἶρισ πὰρ Διὸσ αἰγιόχοιο σὺν ἀγγελίῃ ἀλεγεινῇ· οἳ δ’ ἀγορὰσ ἀγόρευον ἐπὶ Πριάμοιο θύρῃσι πάντεσ ὁμηγερέεσ ἠμὲν νέοι ἠδὲ γέροντεσ· ἀγχοῦ δ’ ἱσταμένη προσέφη πόδασ ὠκέα Ἶρισ· εἴσατο δὲ φθογγὴν υἱῖ̈ Πριάμοιο Πολίτῃ, ὃσ Τρώων σκοπὸσ ἷζε ποδωκείῃσι πεποιθὼσ τύμβῳ ἐπ’ ἀκροτάτῳ Αἰσυήταο γέροντοσ, δέγμενοσ ὁππότε ναῦφιν ἀφορμηθεῖεν Ἀχαιοί· τῷ μιν ἐεισαμένη προσέφη πόδασ ὠκέα Ἶρισ· ὦ γέρον αἰεί τοι μῦθοι φίλοι ἄκριτοί εἰσιν, ὥσ ποτ’ ἐπ’ εἰρήνησ· πόλεμοσ δ’ ἀλίαστοσ ὄρωρεν. ἤδη μὲν μάλα πολλὰ μάχασ εἰσήλυθον ἀνδρῶν, ἀλλ’ οὔ πω τοιόνδε τοσόνδέ τε λαὸν ὄπωπα· λίην γὰρ φύλλοισιν ἐοικότεσ ἢ ψαμάθοισιν ἔρχονται πεδίοιο μαχησόμενοι προτὶ ἄστυ. Ἕκτορ σοὶ δὲ μάλιστ’ ἐπιτέλλομαι, ὧδε δὲ ῥέξαι· πολλοὶ γὰρ κατὰ ἄστυ μέγα Πριάμου ἐπίκουροι, ἄλλη δ’ ἄλλων γλῶσσα πολυσπερέων ἀνθρώπων· τοῖσιν ἕκαστοσ ἀνὴρ σημαινέτω οἷσί περ ἄρχει, τῶν δ’ ἐξηγείσθω κοσμησάμενοσ πολιήτασ.

일치하는 문장이 없습니다.

SEARCH

MENU NAVIGATION