호흡부호 보기
강세부호 보기
장단부호 보기
작은 Iota 보기
모든 부호 보기
Κατήγμασι δὲ, σπληνῶν μήκεα, πλάτεα, πάχεα, πλήθεα‧ μῆκοσ, ὅση ἡ ἐπίδεσισ‧ πλάτοσ τριῶν ἢ τεσσάρων δακτύλων‧ πάχοσ, τριπτύχουσ ἢ τετραπτύχουσ‧ πλῆθοσ, κυκλεῦντασ μὴ ὑπερβάλλειν, μηδὲ ἐλλείπειν‧ οἷσι δὲ ἐσ διόρθωσιν, μῆκοσ, κυκλεῦντα‧ πλάτοσ καὶ πάχοσ τῇ ἐνδείῃ τεκμαίρεσθαι, μὴ ἀθρόα πληρεῦντα. Τῶν δὲ ὀθονίων ὑποδεσμίδεσ εἰσὶ δύο‧ τῇ πρώτῃ ἐκ τοῦ σίνεοσ ἐσ τὸ ἄνω τελευτώσῃ, τῇ δὲ δευτέρῃ, ἐκ τοῦ σίνεοσ ἐσ τὸ κάτω, ἐκ τοῦ κάτω ἐσ τὸ ἄνω τελευτώσῃ‧ τὰ κατὰ τὸ σίνοσ πιέζειν μάλιστα, ἥκιστα τὰ ἄκρα, τὰ δὲ ἄλλακατὰ λόγον. Ἡ δὲ ἐπίδεσισ πουλὺ τοῦ ὑγιέοσ προσλαμβανέτω. Ἐπιδέσμων δὲ πλῆθοσ, μῆκοσ, πλάτοσ‧ πλῆθοσ μὲν, μὴ ἡσσᾶσθαι τοῦ σίνεοσ, μηδὲ νάρθηξιν ἐνέρεισιν εἶναι, μηδὲ ἄχθοσ, μηδὲ περίῤῬεψιν, μηδὲ ἐκθήλυνσιν‧ μῆκοσ δὲ καὶ πλάτοσ, τριῶν, ἢ τεσσάρων, ἢ πέντε, ἢ ἓξ, πήχεων μὲν μῆκοσ, δακτύλων δὲ πλάτοσ. Καὶ παραιρήματοσ περιβολαὶ τοσαῦται, ὥστε μὴ πιέζειν‧ μαλθακὰ δὲ, μὴ παχέα‧ ταῦτα πάντα, ὡσ ἐπὶ μήκει καὶ πλάτει καὶ πάχει τοῦ παθόντοσ. Νάρθηκεσ δὲ λεῖοι, ὁμαλοὶ, σιμοὶ κατ’ ἄκρα, σμικρῷ μείουσ ἔνθεν καὶ ἔνθεν τῆσ ἐπιδέσιοσ, παχύτατοι δὲ, ᾗ ἐξήριπε τὸ κάτηγμα. Ὁκόσα δὲ κυρτὰ καὶ ἄσαρκα φύσει, φυλασσόμενον τῶν ὑπερεχόντων, οἱο͂ν κατὰ δακτύλουσ ἢ σφυρὰ, ἢ τῇ θέσει, ἢ τῇ βραχύτητι. Παραιρήμασι δὲ ἑρμάζειν, μὴ πιέζειν τὸ πρῶτον. Κηρωτῇ μαλθακῇ, καὶ λείῃ, καὶ καθαρῇ ἑλισσέσθω.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기